அங்கே இங்கே

பகுத்தறிவு எது?!

2011-06-05T08:07:00.002+05:30

பகுத்தறிவுக் கொள்கைகள் என்பது என்ன?

இந்துமதத்தினையும் இந்துக்களையும் சாடுவது மட்டும் தான் பகுத்தறிவா? வேறு எந்த மதத்திலும் மூடநம்பிக்கைகள் இல்லையா? வேறு எந்த மதத்திலும் பிரிவினைகள் இல்லையா?

பெண்களை இன்றளவிலும் அடிமைகளாக வைத்திருக்கும் இஸ்லாத்தில் மூட நம்பிக்கைகள் இல்லையா? என்ன முக்கிய வேலைகள் இருந்தாலும் ஐந்து வேளை கண்டிப்பாக தொழ வேண்டும் என்று சொல்லும் அவர்களின் கொள்கைகள் மூடநம்பிககையாக தெரியவில்லையா? முகத்தை மறைத்துக்கொண்டு தான் பெண்கள் வெளியே வரவேண்டும். அவர்களுக்கு வெளியில் சுதந்திரமாக நடமாடக்கூட உரிமைகள் இல்லாமல் இருப்பது மூடநம்பிக்கை இல்லையா? சாதி என்ற பெயரில்லையே தவிர அவர்களிலும் வேற்றுமைகள் இருக்கததானே செய்கின்றன. ஷியா, சன்னி, சூபி என்று. இதில் ஷியாக்களுக்கு சன்னிகளைக் கண்டால் ஆகாது, இருவரும் சூபிக்களை ஏற்றுக்கொள்வதில்லை. இந்து மதத்தில் மட்டும் தான் எல்லாத் தவறுகளும் நடப்பது போல பேசுகிறார்கள். சுயமரியாதைக் கொள்கை இருக்கிறவர்கள் தைரியம் இருந்தால் அவர்களின் மூடநம்பிக்கைகளை சாடட்டும்.

தாழ்த்தப்பட்ட வகுப்பினர் என்பது இந்து மதத்தில் உள்ள ஒரு பிரிவு என்று சொல்லும் போ அந்த மதத்தினை விட்டு வெளியேறி மதம் மாறியவர்கள் அதே சலுகைகளை அனுபவிக்க நினைப்பது எவ்வாறு பொருந்தும். கிறிஸ்தவர்களாகவும் இஸ்லாமியர்களாகவும் மாறிவிட்டப் பிறகு அவர்கள் ‍ஒரே கிறிஸ்தவர் ஒரே இஸ்லாமியர் என்றல்லவா இருக்க வேண்டும். அரசியல் காழ்ப்புணர்ச்சிகள், சுய நலப் பகுத்தறிவுவாதிகள் அதை ஒரு ஆயுதமாகப் பயன்படுத்தி இன்று மூன்றாம் தர வியாபாரம் நடத்திக் கொண்டிருக்கிறார்கள். ஒதுக்கீடுகள் எதற்கு? அப்படி உங்களின் கூற்றுப்படி ஒதுக்கீடு அவசியம் என்றால் அது அவர்களின் பொருளாதாரம் சார்ந்ததாக இருக்க வேண்டுமே தவிர மதம், சாதியின் பேரால் ஒதுக்கீடு கேட்பது எதற்கு? இந்து மதத்தை குறை சொல்பவர்கள் இஸ்லாத்திலும், கிறிஸ்தவத்திலும் உள்ள கடவுள் நம்பிக்கையை கூடாது என்று சொல்ல வேண்டியது தானே. ஏன் இந்துக்களிடம் மட்டும் பாகுபாடு காட்டுகிறார்கள்? சிந்திக்க வேண்டும். பகுததறிவு என்பது ஒவ்வொருவருக்குள்ளும் இருக்க வேண்டிய ஒன்று. அது பாரபட்சமாக இருக்கக்கூடாது. எல்லா மொழிகளுக்கும், எல்லா இனங்களுக்கும் எல்லா மதங்களு்ககும் ஒன்றாக இருக்க வேண்டும். அரசியல் உள் நோக்கங்களுக்காக அவை பயன்படுத்துவதையும் அவற்றிற்கு மதச் சாயம் பூசுவதையும் மனசாட்சியுள்ள எந்த மனிதனும் ஏற்றுக்கொள்ளமாட்டான்.

அதிமுகவின் உலகத் தமிழ் செம்மொழி மாநாடு புறக்கணிப்பு

2009-10-21T10:18:00.002+05:30

தமிழ்நாட்டில் நடைபெறும் ஒரு பெரிய அளவிலான உலகத் தமிழ் மாநாட்டைப் புறக்கணிக்கப் போவதாக அதன் தலைவி அறிவித்துள்ளார். இது மிகவும் வேதனைக்குரியது. தமிழக முதல்வர் அவர்கள் தனது அழைப்பில் கட்சிப் பாகுபாடுகளை மறந்து இந்த தமிழ் மாநாட்டிற்கு அனைவரும் ஒத்துழைப்புக் கொடுக்க வேண்டும் என்று கோரிக்கை விடுத்த நிலையில் இவ்வாறு அவர் ஒரு அறிவிப்பை வெளியிட்டிருப்பது வேதனைக் குரிய விஷயம். தமிழ்நாட்டில் தமிழுக்கென்று ஒரு மாநாட்டை நடத்துவதற்கு உலகத்தில் ஏதோ ஒரு மூலையில் இருக்கும் ஒரு நிறுவனத்தைக் கேட்க வேண்டும். அதன் அனுமதியில்லாமல் நடத்தக்கூடாது என்று சொல்வது எந்த வகையில் நியாயம். சர்வதேச தமிழ் அராய்ச்சி நிறுவனமாக இருந்தாலும், தமிழ் மொழி தமிழ்நாட்டில் உள்ள அத்தனை பேருக்கு ஒரு உரிமையுள்ள சொத்து. அத்தகைய ஒரு சொத்திற்காக ஒரு விழாவினை எடுப்பதற்கு உலகில் எங்கோ ஒரு மூலையில் உள்ள ஒரு நிறுவனத்தின் உரி‍மையைக் கோர வேண்டும் என்பது கேலிக்குரிய கூற்று. இதை சொல்பவர்கள் நாளை தமிழுக்கான காப்புரிமை அந்த நிறுவனத்திற்குத்தான் உள்ளது, அவர்கள் அனுமதியின்றி தமிழில் பேசவோ எழுதவோ கூடாது என்று கூட சொல்வார்கள் போலிருக்கிறது. உண்மையில், தமிழக முதல்வருக்கு அத்தகையதொரு விழாவை நடத்துவதற்கு முழு உரிமையுள்ளது. அவர் தமிழுக்குத் தொண்டாற்றியுள்ளவர். உலகில் உள்ள அத்தனைக் கோடித் தமிழர்களுக்கும் இவரைப் பற்றி நன்கு தெரியும். தமிழராக இல்லாத தமிழ் ஆர்வலர்களுக்கும் அவரைப் பற்றி நன்றாகத் தெரியும். எத்தனை உரைகள் எழுதியுள்ளார். எத்தனை காவியங்கள் தமிழ் படைத்துள்ளார். அத்தகையதொரு தமிழர் நடத்தும் விழாவைப் புறக்கணிப்பது அரசியல் காழ்ப்புணர்ச்சியைக் காட்டுகிறதே தவிர, அவர்தம் நல்ல எண்ணத்தை அல்ல. அவர் தனது முடிவை மாற்றிக் கொண்டு, பெருந்தன்மையோடு இந்த உலகத் தமிழ் செம்மொழி மாநாட்டிற்கு ஒத்துழைப்பு நல்குவார் என்று நம்புவோம். அவருடன் இருக்கும் அவருடைய கூட்டாளியாவது அவருக்கு அதன் முக்கியத்துவத்தை எடுத்துரைத்து தமிழர்களுடைய பெருமையை இப்போதாவது காப்பாற்றுவார் என்று நம்புகிறோம்.

பொறுத்திருப்போம்....

மதச்சார்பின்மை எது?!!!

2008-09-27T20:20:00.005+05:30

இது முற்றிலும் சொந்தக் கருத்து, இதை நான் எந்த மதத்தினரும் புண்பட வேண்டும் என்பதற்காக எழுதவில்லை. என் மனதில் உள்ள சில உணர்வுகளை தெரிவிக்கவிரும்புவதால் கூறுகிறேன். "ஒன்றே குலம், ஒருவனே தேவன்" என்ற திருமூலரின் மூலமந்திரமே என்னுடைய கொள்கையும் கூட. இருப்பினும் அரசியல் நோக்கங்களுக்காக இங்கு நடக்கும் கூத்துக்களைப் பார்க்கும் போது ஒரு சராசரி மனிதனாக இந்தக் கேள்விகளை நான் கேட்க வேண்டியுள்ளது.
1. மதச்சார்ப்பின்மை என்றால் இந்து மதத்தினை மட்டும் சாராதிருப்பதா?
2. மதச்சார்பின்மையைப் பேசும் கட்சிகள் இந்து மதத்தினரையும், இந்துக் கடவுகள்களையும் இழிவுப்படுத்துவது எப்படி அவர்கள் கொள்கைக்கு பொருத்தமாகும்?
3. பிற மதங்களின் பண்டிகைகளில் பங்குகொள்பவர்கள் இந்து மதத்தின் பண்டிகையை மட்டும் கேவலப்படுத்துவது ஏன்?
4. வன்மு‍றையில் ஈடுபடுவதெல்லாம் இந்துக்கள் தான் என்றால் ஆங்காங்கே நிகழும் குண்டுவெடிப்புகளுக்கு இந்துகள் காரணம் அல்லவே?!
5. சபரி மலைக்கு செல்லும் போது வாவரை (பாபர்) தர்காவில் வணங்குவது இந்துக்களின் மதச்சார்பின்மை. நாகூர் தர்காவுக்கும், வேளாங்கன்னி மாதா கோவிலுக்கும் செல்வது இந்துக்களின் மதச்சார்பின்மை. அப்படி இருக்க அமர்நாத் கோவிலுக்கு இடம் வழங்கக்கூடாது என்று போராடுபவர்களையும், பிரிவினைவாதத்தைத் தூண்டுபவர்களையும் ஆதரிப்பவர்களும் எப்படி மதச்சார்பற்றவர்களாவர்?
6. சாதிகள் தான் மதமாற்றத்திற்கு காரணம் என்றால், மதம் மாறிய பிறகும் சாதிகள் அடிப்படையிலான உரிமைகளுக்காக மாறியவர்கள் போராடுவது ஏன்?
7. கடைசியாக ஒரே கேள்வி, மத(மன)மாற்றத்தை வற்புறுத்துபவர்களுக்கு இது... நீங்கள் சொல்லும் கடவுள் தான் உண்மையான கடவுள் என்றால் அவர் ஏன் பல்வேறு மதத்தினராகவும், இனத்தினராகவும் மனிதர்களைப் படைக்க வேண்டும்?
என்னைப் பொறுத்தவரை உண்மையான மதச்சார்பின்மை என்பது அடுத்த மதங்களையும் மதிப்பதுதான். எனக்கு கிறிஸ்தவ நண்பர்களும் உண்டு, இஸ்லாமியர் நண்பர்களும் உண்டு. மதரீதியாக அவர்களின் கடமையான பிரார்ததனை செய்வதையும், தொழுவதையும் அவர்கள் செய்யாத போது அதைக் கண்டித்திருக்கிறேன். நான் பிறந்த மதம் எனக்கு காட்டிய நல்ல வழிகளை பின்பற்றாத போது நான் அடுத்த மதத்திற்கு மாறுவதனால் எந்தப் பயனும் இல்லை. இறைவன் ஒருவன் அவனை நாம் விரும்பிய வடிவில் வழிபடுகிறோம். அது மட்டும‍ே உண்மை, அவசியமும் கூட.
மனிதர்களின் மனங்களைப் புண்படுத்தாமல் தன் கடமைகளைச் செய்பவர்களே உண்மையாக மதத்தைப் பின்பற்றுபவர்கள், அது என் மதத்தினராக இருந்தாலும் சரி.
நான் இந்து என்பதில் உறுதியாக இருக்கிறேன், அதற்காக மற்ற மதத்தினரை எந்த விதத்திலும் தவறாக எடைபோடமாட்டேன். நானோ அவர்களோ அந்தந்த மதத்தில் பிறந்தது இறைவனின் விருப்பத்தின் பேரில்தான்.
நாம் நாமாக இருப்போம், மனிதர்களாக இருப்போம்!!!
வாழ்க! வளமுடன்!

ஏ‍டிஎம் பணம் எடுக்கிறீர்களா? ஜாக்கிரதை!!!!

2008-09-26T07:44:00.003+05:30

நவீன ‍தொழில்நுட்பங்கள்.... தேவைக்கு உடனடி பணம்.... வரிசையில் காத்திருக்க வேண்டிய தேவையில்லை.... எந்த வங்கியின் ஏடிஎம்மில் வேண்டுமானாலும் பணம் எடுக்கலாம்.... இ‍தெல்லாம் ஏடிஎம்களை பற்றிய சாதகமான விஷயங்கள்.... ஆனால் அவற்றிலும் பாதகங்கள் இருக்கத்தான் செய்கின்றன... வங்கிகள் இந்த பிரச்சினைகளை அலட்சியப்படுத்துவதுதான் வேதனைக்குரிய விஷயம்... இதோ எனது அனுபவம்....
கடந்த ஜுன் மாதம் 5-ஆம் தேதி சொந்த வேலைக் காரணமாக கரூருக்கு சென்றிருந்தேன். அவசரத் தேவைக்காக பணம் எடுக்க வேண்‍டியிருந்ததால், எனது வங்கியான ஆக்சிஸ் வங்கியின் ஏடிஎம் இருக்கிறதா என்று விசாரித்தேன். சரியாக ‍தெரியாததால், பேருந்து நிலையத்தின் அருகில் இருக்கும் ஐசிஐசிஐ ஏடிஎம்மில் சென்று எனது டெபிட் கார்டை ‍செலுத்தினேன். அனைத்து செயல்பாடுகளும் நன்றாகவே இருந்தது, பணம் எடுக்கும் வேளையில் நெட்வொர் துண்டிக்கப்பட்டுள்ளதாக பணம் எடுக்கமுடியவில்லை என்ற ஒரு தகவல் வந்தது. சரியென்று வெளியே வந்து விசாரித்ததில் ஒரு அரைக் கி‍லோ மீட்டர் ‍தொலைவில் ஆக்சிஸ் வங்கியின் ஏடிஎம் பெட்ரோல் பாங்கில் இருப்பதாகக் கேள்விப்பட்டு திருச்சிக் கோவை சாலையில் நடந்து சென்றேன். அங்கு சென்றபோது, ஆக்சிஸ் வங்கி ஏடிஎம் மூடப்பட்டிருந்தது, காவலுக்கு இருந்த செக்யூரிட்டி இயந்திரம் செயல்படவில்லை என்று தெரிவித்தார். இதனால் அதன் அருகிலேயே இருந்த தமிழ்நாடு மெர்க்கன்டைல் வங்கியின் கிளையில் முயற்சிக்கலாம் என்று சென்றேன். அதிர்ஷ்டவசமாக அங்கு என்னால் பணம் எடுக்க முடிந்தது. ரூ. 3000 மட்டும் எடுத்துக் கொண்டு, அங்கிருந்து வெளியில் வந்த சில நொடிகளில் எனது மொபைல் போனுக்கு வங்கியிலிருந்து 6000 பணம் எடுக்கப்பட்டிருப்பதாகத் தகவல் வந்தது. மிகவும் அதிர்ச்சியாக இருந்தது.
நான் உடனேயே ஆக்சிஸ் வங்கியின் வாடிக்கையாளர் தொடர்பு மையத்தைத் தொடர்புக் கொண்டு புகார் தெரிவித்தேன். அவர்கள் புகாரைப் பதிவு செய்து கொள்வதாகவும், தவறாக இருந்தால் 45 நாட்களில் தாமாகவே அந்த பணம் எனது கணக்கிற்கு மாற்றப்பட்டுவிடும் என்று தெரிவித்தார் அந்த அலுவலர். 45 நாட்களாகியும் எந்தத் தகவலும் எனக்குக் கிடைக்கவில்லை. பிறகு மீண்டு விசாரித்தபோது தங்களுக்கு எந்தத் தகவலும் வரவில்லை என்று மீண்டு ஒரு புகார் என்னைக் கொடுத்து 10 நாட்கள் கழித்துத் தொடர்பு கொள்ளுமாறு என்னிடம் கூறினர். மீண்டும் ஒரு 10 நாட்கள் கழித்துத் தொடர்பு கொண்டபோது, எனது கிளை வங்கியைத் தொடர்பு கொள்ளுமாறுத் தெரிவித்தனர். அவர்கள் தங்களுக்கு எந்தப் புகாரும் வரவில்லை என்றும், தாங்கள் அதை பரீசிலப்பதாகவும் தெரிவித்தனர். ஆனால் ஒரு மாதத்திற்குப் பின்னரும் ஒரு பதிலும் வரவில்லை. மீண்டும் ‍தொடர்பு கொண்ட போது, ஒரு பெண் அதிகாரி அதை தானே பரிசீலிப்பதாகவும், 10 நாட்களுக்குள் தெரிவிப்பதாகவும் தெரிவித்தார். இதற்கிடையில் எனது வங்கியின் ஸ்டேட்மென்டைப் பார்த்தபோது, அதில் அடுத்தடுத்த நிமிடங்களில் ரூ.3000/- எடுக்கப்பட்டிருப்பது தெரியவந்தது. இது குறித்து அவர்களிடம் தெரிவித்தேன். அவர்கள் பிழை ஐசிஐசி‍ஐ வங்கி ஏடிஎம்மில் தான் ஏற்பட்டிருப்பதாகத் தெரிவித்தனர்.
இறுதியாக கடந்த செவ்வாய்கிழமை அன்று இது குறித்து மீண்டும் எனது கிளையின் பெண் அதிகாரியைத் தொடர்பு கொண்டேன். அவருக்கு என்னை நினைவில்லை, பிரச்சினையை விளக்கிய பிறகு சற்று என்னை நினைவு கூர்ந்து, 10 நிமிடங்களில் என்னை மீண்டும் தொடர்பு கொள்வதாகத் தெரிவித்தார். ஒரு அரை மணி நேரம் கழித்து என்னைத் தொடர்பு கொண்ட அந்த பெண் அதிகாரி, அந்த பணம் எடுக்கப்பட்டது உண்மை தான் என்றும், அதற்கான பதிவுகள் இருப்பதாகவும் தெரிவித்தார். நான் இல்லை என்று மறுத்தேன். உடன‍ே கோபமாக "அப்படியென்றால் நானா எடுத்தேன்?" என்னை கேட்டவர், வங்கி மேலாளருக்குத் தொடர்பை மாற்றினார். வங்கி மேலாளரும் பொறுப்பாக பதில் சொல்லாமல் எங்களுக்கு வந்தத் தகவல்படி நீங்கள் பணம் எடுத்தது உண்மை தான் என்று என் தொலைபேசித் தொடர்பைத் துண்டித்துவிட்டார். என் ரூ. 3000/- பணம் பணம் போனதோடு மட்டுமல்லாமல் , என்னையே பொய்யனாக ஆக்கி என்னை மனம் வேதனைப்பட வைத்துவிட்டார்கள். 10 வருடங்களாக கணக்கை பராமரித்துவரும் எனக்கே இந்த நிலை என்றால், புதிதாக வருபவர்களின் நிலை என்னவோ. என் விதியை நொந்துக் கொள்வதைத் தவிர எனக்கு வேறு வழியில்லை.!!!
எனவே, நண்பர்களே
ଧ கூடுமானவரை உங்கள் வங்கியிலிருந்து மட்டுமே பணம் எடுக்கவும்.
ଧ பிற வங்கிகளில் எடுக்கும் போது அதற்கான ரேக்கார்டைப் பெற்றுக்கொள்ளவும்.
ଧ ரெக்கார்டை வினியோகிக்காத ஏடிஎம்களில் பணம் எடுப்பதைத் தவிர்க்கவும்.
நமது கடின உழைப்பினால் பணம் வங்கிகளுக்கு தானம் செய்ய வேண்டிய தேவையில்லை!!!!

லெஃப்டினென்ட் கர்னல் "கபில்தேவ்"

2008-09-25T23:02:00.002+05:30

1983, லார்ட்ஸ் மைதானம், இந்தியாவைப் பெருமைக் கொள்ளச் செய்தது. உலகக் கோப்பையைப் பெற்றுத் தந்து, மண்ணின் மைந்தனான "கபில்தேவ்" அன்று நிறைவேற்றியது, இந்திய அணித் தலைவராக. இன்று நிறைவேற்ற பொறுப்பேற்றிருப்பது, இந்திய இராணுவத்தின் ஒரு பொறுப்புமிக்க அதிகாரியாக...
கிட்டத்தட்ட கால்நூற்றாண்டுகளுக்குப் பிறகு தன்னார்வத்துடன் கபில்தேவ் இராணுவத்தில் இணைந்துள்ளது, இந்தியர்களுக்குப் பெருமைதரும் விஷயம். இது போன்று மற்ற பிரபலங்களும் இந்திய இராணுவத்தில் பணியாற்றுவதில் ஆர்வம் காட்டினால் இந்தியாவின் பலம் நிச்சயம் ஓங்கும்.

நம் நாட்டைக் காப்பாற்ற வேண்டிய பொறுப்பு ஒவ்வொரு இந்தியனுக்கும் உண்டு. அதற்கு கட்டாயமாக இராணுவத்தில் சேவையாற்றுவதற்கான ஒரு சட்டம் கொண்டுவந்தால் கூட நிச்சயம் வரவேற்கத் தக்க ஒன்றுதான். இதற்கு முன் உதாரணமாக கபில் தேவ் அவர்கள் இராணுவத்தில் லெஃப்‍டினென்ட் கர்னலாகப் பொறுப்பேற்றிருப்பது, மிக மிக வரவேற்கத்தக்க ஒரு விஷயமே!!!

இதை மற்றவர்களும் கடைபிடித்தால் நல்லதே!!!

குழப்பங்களில் கோத்ரா விசாரணை....

2008-09-25T20:17:00.003+05:30

கோத்ரா குஜராத்தின் ஒரு பகுதி என்பதைவிட அங்கு நடந்த தீவிபத்து (?!!) மூலம் தான் உலகிற்கே தெரியவந்தது. கோத்ராவில் சாபர்மதி எக்ஸ்பிரஸ் இரயில் தீப்பிடித்துக் கொழுந்துவிட்டு எரிந்தது... அதன் மூலம் மாநிலமெங்கும் வன்முறை தலைவிரித்தாடியது... இவை அனைத்தும் அந்தப் பகுதி மக்கள் தவிர மற்றவர்களுக்கு ஓரளவிற்கு மறந்து போய்விட்டது. அது நினைவுகள் மீண்டும் கொழுந்துவிடுவதற்கு காரணமாக அமைந்துள்ளது, இரு வேறு நீதிபதிகளைக் கொண்ட விசாரணைக் கமிஷன்கள். ஒன்று நீதியரசர் நானாவதியை தலைவராகக் கொண்டது. மற்றொன்று இரயில்வே அமைச்சகத்தால் ஏற்படுத்தப்பட்ட நீதியரசர் பானர்ஜியைத் தலைவராகக் கொண்டது.

அவர்கள் தாக்கல் செய்துள்ள அறிக்கைகள் பெரும் சர்ச்சையைக் கிளப்பியுள்ளன. இரண்டுமே ஒன்றுக்கு ஒன்று முரணாக உள்ளன. பானர்ஜி அவர்கள் அதை தற்செயலான விபத்து என்று குறிப்பிட்டுள்ளார். நானாவதி அவர்கள் அதை திட்டமிட்ட சதி என்றுக் குறிப்பிட்டுள்ளார். நீதியரசர்கள் இருவரில் எவர் சொல்வது சரி என்பது தற்போது கேள்விக்குறியாகி உள்ளது.

என்னைப் பொறுத்தவரை ஒரு சிலக் கேள்விகள் உள்ளன:

1. கோத்ராவில் உண்மையிலேயே விபத்து என்றால், அந்த விபத்தில் சேதம் ஏற்படுவதை தவிர்க்காமல் போனதற்கு தாமதம் என்ன?

2. விபத்து ஏற்பட்டதென்றால், கரசேவர்கள் சென்ற பெட்டிகள் மட்டும் எரிந்ததற்கு என்ன காரணம்? இதற்கான உள்நோக்கம் என்ன?

3. உண்மையிலேயே இரண்டு விசாரணைகளும் சரியான திசைகளில் செல்கிறதா இல்லை அரசியல் நிர்பந்தத்தால் விசாரணைகள் போக்கு தடம் மாறியுள்ளதா?

4. இத்தகைய விசாரணை அறிக்கைகளால் நீதியரசர்கள் மீதான நம்பிக்கைக்கு என்ன உத்தரவாதம் இல்லையா? ஒருவர் சொல்வது தான் உண்மை என்றால் மற்றொருவர் பொய் சொல்கிறார் என்று தானே அர்த்தப்படும்? அப்படியானால் யார் பொய் சொல்கிறார்கள்? அவர்கள் பொய் சொல்வதற்கு தூண்டப்படுகிறதா?

5. ஐக்கிய ஜனநாயகக்கூட்டணியோ அல்லது இடது சாரிகளோ உண்மையில் மதச்சார்பின்மையைக் கடைபிடிக்கிறார்களா?

இந்தக் கேள்விகளுக்கெல்லாம் பதில் சொல்லப்போவது யார்?

இதில் ஊடகங்களும் குழப்பமானத் தகவல்களை வெளியிடுவதே வேதனையானது. உண்மையில் மக்கள் மனதில் சந்தேகங்கள் பலமாக உள்ளன. ஆனால் அவற்றிற்கு தீனிப் போடுவதாகத் தான் செய்தித்தாள்களும், தொலைக்காட்சிச் செய்திகளும் இருக்கின்றனவே தவிர, யாரும் உண்மையை அறிவிக்க விரும்பவில்லை என்பதே நிதர்சனமான உண்மை.

கைடுகளுக்குப் பச்சைக் கொடி....

2008-09-25T08:25:00.003+05:30

பள்ளிகளில் புத்தங்களுக்கு நிகரான இடத்தைப் பெற்றிருப்பவை, கைடுகள் எனப்படும் "உரை" புத்தகங்கள். சில ஆசிரியர்கள் பரிந்துரைக்கவும், சில ஆசிரியர்கள் நிராகரிக்கவும் செய்கிறார்கள். எனக்குத் தெரிந்து என்னுடைய ஆசிரியர்கள் பலரே அத்தகைய கைடுகளை நான் படிக்கும் காலத்தில் எழுதியும் இருக்கிறார்கள். ஒரு வகையில் கைடுகள் சராசரி மாணவர்களுக்கு ஒரு வரப்பிரசாதமாகவே அமைந்திருக்கிறது. அத்தகைய கைடுகளை எதிர்த்து சமீபத்தில் காப்பிரைட் சட்டத்திற்கு எதிரானது என்று டெல்லி உயர்நீதிமன்றத்தில் வழக்குத் தொடரப்பட்டது. வழக்கை விசாரித்துத் தீர்ப்பளித்த நீதிபதிகள், அது காப்பிரைட் சட்டத்தை மீறுவதாகாது என்றும் அத்தகைய கைடுகள் சராசரியான மாணவர்களுக்கு உண்மையில் நல்ல வழிகாட்டியாக இருப்பதையும், அவை கேள்விகளுக்கான விடைகளை மட்டுமே அளிப்பதால் அவற்றை பாடப்புத்தகங்களாக கருதமுடியாது எனவும் தீர்ப்பளித்துள்ளனர். எது எப்படியோ தப்பிப்பிழைத்தன கைடுகள்.... தப்பிப்பிழைத்தவர்கள் கைடை மட்டும் வேதமாக நம்பியிருக்கும் ஒரு சில மாணவர்கள்....

(நன்றி: டைம்ஸ் ஆஃப் இந்தியா)

தானமே உன் பெயர்.... ஹிதேந்திரன்....

2008-09-25T07:35:00.008+05:30

அன்னச்சத்திரம் ஆயிரம் கட்டல், ஆயிரம் பதினாயிரம் நாட்டல், அன்னவையாவினும் பெரியது ஆங்கோர் ஏழைக்கு எழுத்தறிவித்தல் - என்று மகாகவி பாரதி சொன்னான் அன்று. அவன் இருந்திருந்தால், அவற்றின் பெரிது இறந்தபின் உடல் உறுப்புகளை தானம் செய்தல் என்று இன்று கூறியிருப்பான். அத்தகைய செயற்கரிய நிகழ்வு சென்னையில் நடந்திருக்கிறது. திருக்கழுகுன்றத்தைச் சார்ந்த மருத்துவ தம்பதியரான டாக்டர் அசோகன் மற்றும் புஷ்பாஞ்சலி தம்பதியரின் அன்பு மகன் ஹிதேந்திரன்... 16 வயது நிரம்பிய இளைஞன். பெற்றோரின் கனவுகளைச் சுமந்து நின்ற அந்த மாணவனுக்கு காலன் காலமுடிவை நிர்ணயித்துவிட்டான். ஒரு சாலைவிபத்தில் கீழே விழுந்த அதிர்ச்சியில் அவன் மூளை செயல்படுவதை நிறுத்திவிட்டது. இனி செயல்படாது என்று மருத்துவர்கள் கைவிரித்துவிட்டநிலையில். நல்லநிலையில் இருக்கும் தனது மகனின் உறுப்புகளைத் தானம் ‍செய்ய அந்த இதயம் உள்ள பெற்றோர் முடிவு செய்தனர். இறந்தாலும் அவன் உடல் உறுப்புகளின் தானம் மூலம் அவன் வாழ்வதை காண விரும்பிய பெற்றோர் அதற்கான ஏற்பாடுகளை செய்யுமாறு மருத்துவர்களை கேட்டுக்‍கொண்டனர். கண்கள் சங்கர நேத்ராலயாவிற்கும், சிறுநீரகங்கள், நுரையீரல், கல்லீரல் ஆகியவை அப்போலோ மருத்துவமனைக்கும் அறுவை சிகிச்சை மூலம் அகற்றி அனுப்பி வைக்கப்பட்டன. இதயத்தைக் கொள்ளைக் கொள்பவன் என்ற பொருள்கொண்ட பெயரினைக் கொண்ட ஹிதேந்திரனின் இதயம் முகப்பேரில் உள்ள ஹார்ட் ஃபவுண்டேஷனுக்கு ஒரு 9 வயது சிறுமிக்குப் பொருத்துவதற்காக எடுத்துச் செல்லப்பட்டது. இதயம் வெட்டி எடுக்கப்பட்ட 20 நிமிடங்களுக்குள் பொருத்தப்பட வேண்டும் என்பதால், அதிக தூரம் உள்ள முகப்பேர் மருத்துவமனைக்குக் கொண்டு செல்வது சாத்தியமில்லாமல் இருந்தது. அதனால் காவல்துறையின் உதவிநாடப்பட்டு, காவல்துறை துணை ஆணையர் மனோகரன் நேரடியாக செயல் இறங்கினார். போக்குவரத்துக் காவலத்துறையால் வழியில் உள்ள அனைத்து சிக்னல்களும் ஒழுங்குப்படுத்தி இதயத்தைத் தாமதம் இல்லாமல் எடுத்துச் செல்வதற்கான அனைத்து ஏற்பாடுகளையும் அவர் செய்தார். 3 மணி நேர அறுவை சிகிச்சைக்குப் பிறகு வெட்டியெடுக்கப்பட்ட அந்த இளைஞனின் இதயம், விரைவாக போலிசாரின் காரிலேயே எடுத்துச் செல்லப்பட்டு இதய நோயால் பீடிக்கப்பட்டிருந்த சிறுமிக்குப் பொருத்தப்பட்டது. இந்த அறுவைசிகிச்சையை அந்த மருத்துவமனையின் தலைவரும், பிரபல இதயநோய் நிபுணருமான டாக்டர் செரியனே நேரடியாக செய்தார்.

குடும்பத்திற்குள்ளேயே போட்டிகளையும் ‍பொறாமைகளையும் கொண்டிருக்கும் இந்தக் காலத்தில் முகம் தெரியாத நபர்களுக்கு தங்களின் மகனின் உறுப்புகளை தானம் செய்ய ஒப்புக் கொண்டதன் மூலம், ஹிதேந்திரன் பெற்றோர் நம்முடைய உள்ளங்களை எல்லாம் உருக்கிக் கொள்ளைக் கொண்டுவிட்டனர். மனிதத்தன்மை இன்னும் உள்ளதால் தான் மழை பெய்கிறது என்று பொதுவாகச் சொல்வார்கள். அது பொய்யல்ல உண்மைதான் என்று நிருபித்திருக்கிறார்கள் மனிதருள் மாணிக்கங்களான இந்த மருத்துவத் தம்பதியர். ஹிதேந்திரனின் மரணத்தினால் ஈடு செய்யமுடியாத பேரிழப்பால் தவித்துக் கொண்டிருக்கும் அந்தக் குடும்பத்தினருக்கும் எனது ஆழ்ந்த அனுதாபங்கள். மரணித்தாலும் தன் உறுப்புகளால் வாழ்ந்து கொண்டிருக்கும் ஹிதேந்திரனுக்கு என்னுடைய பிரார்த்தனைகள்!!!

(செய்தி மற்றும் புகைப்படங்கள்: நன்றி: டைம்ஸ் ஆஃப் இந்தியா மற்றும் தினகரன் நாளிதழ்)

காவல்துறைக்கு ஒரு அப்லாஸ்....!!!!

2008-09-25T06:58:00.003+05:30

காவல்துறை என்றாலே முரட்டுத்தனம்.... மாமூல்.... இப்படியே சினிமாவிலும் தொலைக்காட்சி சீரியல்களிலும் பார்த்து பழகிவிட்டவர்களுக்கு இதோ ஒரு வித்தியாசமான அனுபவம்....
மூளைச் செயல் இழந்ததன் காரணமாக இறந்த திருக்கழுக்குன்றம் மருத்துவர் தம்பதியரின் அன்பு மகன் ஹிதேந்திரனின் உடல் உறுப்புகள் தானமாகக் கொடுக்கப்பட்டன. இவற்றில் இதயம் 20 கிலோ மீட்டர் தூரத்தில் இருந்த டாக்டர் செரியன் ஹார்ட் ஃபவுண்டேஷன் மருத்துவமனையில் இருக்கும் ஒரு சிறுமிக்கு பொருத்தப்பட முடிவு செய்யப்பட்டது. அந்த இதயத்தை வெட்டி எடுக்கப்பட்ட 20 நிமிடங்களுக்குள் பொருத்தப்பட வேண்டும் என்ற கட்டாயம் இருந்தது. ஒரு விஐபி அந்தஸ்துடன் விரைவாக எடுத்துச் செல்வதற்கான அனைத்து ஏற்பாடுகளும் செய்யப்பட்டன. காவல்துறையின் கருணைப் பார்வையால் இது சாத்தியமானது. துணை ஆணையர் மனோகரன் அவர்கள் தாமே இதற்கான ஏற்பாடுகளை செய்தார். அறுவை சிகிச்சைக்கூடத்திலிருந்து ‍ஐஸ் பெட்டியில் எடுத்துவரப்பட்ட இதயத்தை சரியான நேரத்தில் ‍எடுத்துச் செல்லவேண்டுமே என்ற பொறுப்பு மற்றும் பதட்டம் காரணமாக, அதற்காக தயாராக வைக்கப்பட்டிருந்த ஆம்புலன்ஸைக் கவனிக்காமல் காவல்துறையின் காரில் ஏறி அமர்ந்தார், அதை எடுத்துச் செல்லும் மருத்துவர். நிலைமையை உணர்ந்த உதவி ஆணையரும் கண் அசைக்க காவலர் மோகன் விரைந்து செயல்பட்டு காரை அசுர வேகத்தில் ஓட்டி சரியான நேரத்தில் இதயத்தை சேர்ப்பிக்க செய்தார். இதயம் உள்ள உதவி ஆணையர் மற்றும் காவலரின் சமயோஜிதத்தால் இறந்த இதயம் இறக்கவிருக்கும் ஒரு உடலில் பொறுத்தப்பட்டு மறுபிறப்பு பெற்றது.

வாழ்க!! காவல்துறையின் நல்ல இதயங்கள்!!!!

(நன்றி: தினகரன் நாளிதழ்)

அமர்நாத் பிரச்சினை...

2008-08-15T10:06:00.003+05:30

அமர்நாத் பிரச்சினை என்பது ஒரு தேவையற்ற ஒன்று. காஷ்மீரில் உள்ள அரசியல்வாதிகளால் பூதாகரமாக்கப்பட்டு இன்று கொழுந்துவிட்டு எரியும் தீயாக வளர்ந்துள்ளது. அமர்நாத் என்ற இந்துக்களின் புனித வழிபாட்டுத்தலம் இன்றோ நேற்றோ உருவானது அல்ல. இஸ்லாம் மதம் இந்தியாவிற்குள நு‍ழையும் முன்பிருந்தே இருக்கும் ஒரு தலம். அதற்கு நிலம் தரக்கூடாது என்று கூறி மதவாதத்துக்கு விதை விதைத்து முப்திமுகமதுவின் கட்சி. ஏன் தரக்கூடாது? இந்தியா முஸ்லீம்களுக்கான தனிநாடோ அல்லது இந்துக்களுக்கான தனிநாடோ கிடையாது. இது மதசார்ப்பற்ற நாடு. இங்கு அனைத்து மதங்களும் சமம். அப்படி இருக்கையில் இவர்களின் செயல் கேலிக்கூத்தாகிவிட்டது. தாங்கள் ஆண்டு முடித்துவிட்டவுடன் கூட்டாளி ஆளக்கூடாது என்ற அவர்களின் கேவலமான எண்ணத்தை அரங்கேற்ற ஒரு ஆயுதமாக அமர்நாத் கோவிலுக்கு நிலம் தரும் விவகாரத்தை எடுத்திருக்கிறார்கள்.

ஒரு தனியார் ஆங்கில செய்தித் தொலைக்காட்சிக்கு அளித்த பேட்டியில் பரூக் அப்துல்லா அவர்கள் இந்தியா ஒன்றுபட்டு இருக்கவேண்டும் என்றால் பிஜேபி போன்றவர்கள் தங்களின் போராட்டத்தை நிறுத்த வேண்டும் என்று மிரட்டுகிற தோணியில் பேசுகிறார். ஏன் இந்துக்கட்சிகளை மட்டும் அவர் குறிப்பிடவேண்டும். அதன் மூலம் தான் மதச்சார்ப்பற்றவரில்லை, ஒரு தீவிரமான முஸ்லிம் என்பதை காட்டியுள்ளார். அவர்களே அப்படியிருக்க இந்துக்கள் போராடுவதில் என்ன தவறு.

ஊர் ரெண்டுப்பட்டால் கூத்தாடிக்கு கொண்டாட்டம் என்ற வகையில் பக்கத்து நாட்டுக் கோமாளி முஷரப் பாகிஸ்தானியர்கள் அனைவரும் கஷ்மீரிகள் பக்கம் என்று வேறு சுதந்திர தின உரையாற்றுகிறார். இவருக்கே அவரின் நாட்டு மக்களிடம் ஆதரவு இல்லை என்ற போது இவர் எந்த தைரியத்தில் அண்டை நாட்டைப் பற்றிப் பேசுகிறார் என்பது தெரியவில்லை.

எது எப்படியோ அமர்நாத் கோவிலுக்கு அளித்த நிலத்தைத் திரும்பப் பெற்றதன் மூலம் தாங்கள் மதசார்ப்பற்றவர்கள் அல்ல என்பதை காஷ்மீரின் காங்கிரஸ் அரசு காட்டிவிட்டது. அவர்களுக்கு உண்மையான மதச்சார்பின்மையில் நம்பிக்கையில்லை, சிறுபான்மையினரின் (?!!) ஓட்டு வங்கியில் மட்டுந்தான் நம்பிக்கை உள்ளது என்பதைக் காட்டிவிட்டனர்.

காதலுக்குத் தண்டனை

2008-08-04T16:07:00.002+05:30

சுப்ரீம் கோர்ட் விதித்த தண்டனைகளே கருணை மனுக்களால் நிலுவையில் இருக்கும் போது, மேற்கு வங்கத்தில் ஒரு மரண தண்டனை பரபரப்பை ஏற்படுத்தியுள்ளது.
சைலேந்திர பிரசாத் மேற்கு வங்க மாநிலம் லஷ்ணம்பூருக்கு வந்தபோது, முனீரா பீபீ என்ற பெண்ணை சந்தித்து, அவருடன் காதல் மணம் புரிந்துகொண்டார். இரண்டரை ஆண்டுகள் வரை எந்த பிரச்சினையும் இல்லாமல் வாழ்க்கை ஓடியது. முனீரா பீபீ தனது சொந்த ஊருக்குத் திரும்பியதும் தனது வாழ்க்கை இத்தனை சோகமானதாக மாறிவிடும் என்று எண்ணிப் பார்க்கவில்லை. தனது 10 வயது குழந்தை மற்றும் காதல் கணவனுடன் தனது சொந்த கிராமத்திற்கு வந்தார். அவரின் கணவர் தன் பெயரை முன்னா ஷேக் என்று மாற்றிக்கூறினார். முனீராவின் தந்தை அன்சாரியா ஷேக்கிற்கு தன் மருமகனின் மதம் மீது சற்று சந்தேகம் இருந்தது, அதனால் அவர் கடந்த ஜூலை 14ம் தேதி, "சாலிஷி" (கங்காரு நீதிமன்றம்) என்ற 22 உறுப்பினர்களைக் கொண்ட குழுவில் புகார் தெரிவித்தார். அவர்கள் ஷைலேந்திர பிரசாத் முஸ்லீம் அல்ல என்று அறிந்து அவருக்கு மரண தண்டனை விதித்தனார். முனீரா மற்றும் அவருடைய தாயை போலீஸூக்கு செல்லாமல் மிரட்டித் தடுத்தவிட்டனர். ஜூலை 17ம் தேதி பிரசாத்தின் தலையற்ற உடல் சாக்குப் பையில் கட்டப்பட்டு சணல் வயலில் கண்டெடுக்கப்பட்டது. புகார் ஏதும் எழாததால் போலீசாரால் அடையாளம் காண முடியவில்லை.

10 நாட்களுக்குப் பிறகு, தனது தாய் மற்றும் சகோதரன் உடன் முனீரா காவல் நிலையம் சென்று புகார் கொடுத்துள்ளதால் இந்த விவகாரம் வெளிச்சத்திற்கு வந்துள்ளது.
இப்போது தண்டனைக் கொடுத்த தலை(கள்) மறைவாக உள்ளன, முனிராவின் தந்தையை உள்ளிட்டு.

"காதலுக்குத் தண்டனை"

பிராண சிகிச்சை.... ஒரு அற்புதம்....

2007-10-31T07:36:00.000+05:30

இந்தியாவும், சீனாவும் என்றென்றும் அற்புதங்களின் உறைவிடமாகவே இருந்து வந்துள்ளன. அது பண்டைக்காலத்தில் மிகவும் அற்புதமான உயிர் காக்கும் கலைகளையும், திறன்களையும் தன்னகத்தேக் கொண்டு இருந்துள்ளன. அந்தப் பாரம்பரியக் கலைகளும் திறன்களும் காலப் போக்கில் மறைந்தாலும், மீண்டும் அவைப் புத்துணர்வுப் பெற ஆரம்பித்துள்ளன என்பது உண்மையே.

தியானமும், யோகக்கலையும் இந்தியாவின் சொத்து என்பது உண்மை. அது போல சீனாவிலும் அவை அவ்வாறேப் போற்றப்படுகின்றன. தியானமும் யோகமும் மனதையும் உடலையும் ஒரு முகப்படுத்தி நம் வாழ்வில் நன்மைகள‍ை என்றென்றும் வழங்கக்கூடியவ‍ை.

அத்தகைய ஒரு கலையை ஆராய்ந்து அதை எளிமையான முறையில், மருத்துவ ரீதியாகவும் அனைவருக்கும் பயன்படுமாறு வழங்கியுள்ளார், குரு கிராண்ட் மாஸ்டர் சோஅ காக் சூயி அவர்கள். பிலிப்பைன்ஸ் நாட்டில் செல்வ செழிப்பு நிறைந்தக் குடும்பத்தில் பிறந்த அந்த ஆன்மா, ஒரு இரசாயனப் பொறியாளரும் கூட. ஆனால், இந்தப் பிரணா சிகிச்சை மக்களுக்கு உலகம் முழுவதும் பரப்ப வேண்டும் என்ற சீரிய முயற்சியில் இறங்கி உலகம் முழுவதும் பரவச் செய்துள்ளார்.

பிராண என்றால் மூச்சுக் காற்று, அந்த மூச்சுக் காற்றைப் பயன்படுத்தி உடல் மற்றும் மனம் சம்பந்தப்பட்டக் கோளாறுகளுக்கு சிகிச்சை அளிப்பதே பிராண சிகிச்சையாகும். இதற்கு தனியான மருந்துகளோ, உபகரணங்களோ தேவையில்லை. இது ஒரு அற்புத வரப்பிரசாதம்.

பிராண சிகிச்‍சை மையங்கள் உலகில் பல்வேறுப் பகுதிகளில் ‍தொண்டு ஒன்றேக் குறிக்கோளாக இயங்கி வருகின்றன. பல்வேறு அலோபதி மருத்துவர்கள் தங்களின் மருந்துகளுடன் இந்தப் பிராணச் சிகிச்சையையும் சேர்த்து அளித்து பல தீரா வியாதிகளுக்கும் தீர்வைக் கண்டுள்ளனர். யார் வேண்டுமானாலும் பிராண சிகிச்சையைக் கற்றுக் கொள்ளலாம். ஆனால், அவர்கள் மருத்துவர்கள் என்று கூறிக் கொள்ளமுடியாது. இது பொதுவான மருத்துவமுறைகளின் ஊடே ஒரு துணையாகவே கொள்ளலாம். பிராண சிகிச்சையாளர்கள் அவர்கள் தொழில்முறை மருத்துவர்களாக இல்லாதவரையில், எந்தவித மருத்துவ பரிந்துரைகளையும் செய்ய அனுமதியில்லை.

இது ஒரு அற்புதமான கலை மற்றும் மருத்துவமும் கூட. இது குறித்த மேலும் விவரங்கள் அறிய பாருங்கள்:

http://www.pranicfoundation.org/

http://www.pranichealing.com/

தமிழகத்தில் ஒரு தங்கக் கோவில்...

2007-10-31T06:53:00.000+05:30

பொற்கோவில் என்றாலே அமிர்தசரஸில் உள்ள சீக்கியர்களின் புனிதக் கோவிலான குருத்வாரா தான் நினைவில் வரும். அது போன்ற ஒரு கோவிலை வேலூரின் புறநகர்ப் பகுதியான ஸ்ரீபுரத்தில் 55,000 சதுர அடியில் கட்டி வருகிறார்கள். கிட்டத்தட்ட 600 கோடி ரூபாய் செலவில் கட்டப்படும் இது ஆன்மிகப் பிரமுகர் குரு ஸ்ரீ சக்தி அம்மாவின் 30 ஆண்டுக் கனவாக சொல்லப்படுகிறது.

கிட்டத்தட்ட 800 கலைஞர்கள் ஒன்றுகூடி இந்த கோவிலை முனைப்புடன் நிர்மாணித்து வருகிறார்கள். இது குரு ஸ்ரீசக்தி அம்மா அமைப்பினாரால் கட்டப்படுகிறது. இதற்காக பொதுமக்களிடம் எந்த நிதியும் வசூலிக்கப்படவில்லை. பொற்கோவிலுக்கு அடுத்தப்படியாக இந்த தென்னகப் பொற்கோவில் நிச்சயம் பேசப்படும் என்பதில் ஐயமில்லை.

சமீபத்தில் இதைப் பற்றிய ஒரு செய்திப்படம் NDTVத் ‍தொலைக்காட்சியில் ஒளிபரப்ப்பட்டது. இதில் இந்தக் கோவிலைப் பற்றிக் கருத்துத் தெரிவித்துள்ள Dr. C.J. அருண், லயோலா கல்லூரியின் கலைப் பண்பாடு மற்றும் மதப் பயிற்சி மையத்தின் தலைவர் "கோடிக்கணக்கான மக்கள் பசியில் வாடும் போது இந்த நிகழ்வு வெறுப்பூட்டுவதாக இருக்கிறது" என்று கூறியுள்ளார். உண்மையில், ஏதோ இந்து மதத்தினர் மட்டுந்தான் இப்படி செய்கிறார்கள் போல் அவர் பேச்சு இருப்பது மிகவும் கண்டிக்கத் தக்கது. ஒரு மதத்தினரின் நம்பிக்கையை மற்ற மதத்தினர் புண்படுத்தாமல் இருக்க வேண்டும். அவர் சார்ந்திருக்கும் லயோலா கல்லூரியில் முடிந்தால் எல்லோருக்கும் இலவசக் கல்வி மற்றும் உறைவிடம், குறிப்பாக எல்லா மதத்தினருக்கும் என்று அறிவிப்பு வெளியிட்டு, இந்த வெறுப்பூட்டுகிற நிகழ்வினை அவர் செய்யவில்லை என்று முன்னோடியாக பறை சாற்றட்டுமே.

நாம் தொலைத்துவிட்ட பொக்கிஷம்...

2007-10-31T06:32:00.000+05:30

தொலைக்காட்சியில் செய்தியைப் பார்த்துக் கொண்டிருந்தேன், அப்போது அர்ஜென்டினாவில் ஒற்றைக்காலில் நடனமாடும் ஒரு நடனக் கலைஞரைப் பற்றியத் தகவலை சொன்னார்கள். உண்மையில் தன்னம்பிக்கையோடு வாழும் அந்த மனிதரைப் பார்க்கும் போது ஒரு பிரமிப்பு வருகிறது. ஊன்று கோலோடு ஆடும் அவருடன் ஆட பலர் போட்டிப் போடுவதாக சொன்னது, ஆச்சர்யமான விஷயம்.

இதே போன்று ஒரு கலைப்பூ நம் தமிழ் மண்ணிலும் இருந்து மறைந்துவிட்டது, காலையில் பூக்கும் மலர் மாலையில் கருகுவது போல், புகழை அடைந்த வேகத்திலேயே அது மறைந்துவிட்டது.

சமீபத்தில் வெளிவந்த "டான்சர்" என்றத் திரைப்படத்தில் உண்மையிலேயே ஒற்றைக் காலில் அதுவும் ஊன்று கோலின் உதவி ஏதும் இன்றி அடி, தன்னம்பிக்கையின் உயர்வைக் காட்டியக் "குட்டி" தான் அந்த கலைப்பூ.

ஒரு படத்தின் மூலமே லட்சோபலட்ச மக்களின் உள்ளத்தை கவர்ந்த அந்த கலைஞன் காலத்தின் கொடுமையால் சமீபத்தில் அகால மரணம் அடைந்தார். இன்று இந்தத் தொலைக்காட்சிச் செய்தி பார்க்கும் போது, நிச்சயம் அறிந்தவர்கள் எல்லோருக்கும் குட்டியை நினைவுப்படுத்தும்.

பலருக்கு கலைமாமணி விருதுகள் அவர்கள் தருகிறார்கள். அவர்கள் தகுதியைப் பற்றித் தெரிவதில்லை. இது போன்றக் கலைஞர்கள் தகுதியிருந்தும் மறக்கப்படுகிறார்கள். ஆனால், அயல்நாட்டில் ஒரு பட்டாம்பூச்சிப் பறந்தால்கூடப் பெரிதாகப் பேசுகிறார்கள். நம் நாட்டில் ஒரு ஒற்றைக் காலில் ஒரு ஆண்மயில் தொகையை அழகாக வீசி ஆடியதை மறந்து போய்விட்டோம்.

தன்னமிக்கையின் சின்னமாகக் குட்டியை போற்றுகிறேன்.....

என்றும் தணியும் இந்த செந்நீர் தாகம்....

2007-10-19T10:15:00.000+05:30

தொலைக்காட்சியைப் பார்த்துக் கொண்டிருக்கும் போது அதிர்ச்சியில் உறைய வைத்தது அந்தக் காட்சி... எங்கும் ஓலங்கள்.... சிதறிக் கிடந்த உடல்கள்... கை கால்களை இழந்து எழுந்திருக்கமுடியாமல் கிடந்த மனிதர்கள்... நெஞ்சத்தைப் பதைபதைக்கச் செய்தது அந்தக் காட்சி...

ஒரே நேரத்தில் குண்டுகளை வெடிக்கச் செய்து, கராச்சியில் நடத்தப்பட்ட அந்த நிகழ்வு மிகவும் வேதனைத் தருவதாக இருக்கிறது. இதற்குக் காரணம் அல்-கொய்தா... பெனாசிர் வருகை அவர்களுக்கு எவ்வாறு தவறாகத் தோன்றியதோ தெரியாது.... ஆனால் அப்பாவிப் பொதுமக்களை இப்படி சின்னாபின்னப்படுத்தி இவர்கள் சாதிக்க போவது என்ன?

தங்களை கடவுளின் பிள்ளைகள் என்று அழைத்துக் கொள்ளும் அவர்கள் எவ்வாறு கடவுளுக்கு பிள்ளைகளாக இருக்கமுடியும். தம் சொந்த மக்களை அழிக்கத் துணிந்து அரக்க குணத்தோடு வெறியாட்டம் ஆடியிருக்கிறார்கள்.

என்றுத் தணியுமோ தெரியவில்லை இவர்களின் (இரத்த) செந்நீர் தாகம்....

இரவு நேரப் போராட்டம்...

2007-09-26T21:32:00.000+05:30

சென்னையில் அரசுப் பேருந்தில் ஏறி உட்கார்ந்தார் அந்த நபர், நடத்துனரிடம் அவர் கேட்டக் கேள்வி "திருச்சி எத்தனை மணிக்குங்க போகும்?". நடத்துனர் ‍அதற்கு "ஆண்டவனுக்குத் தான் வெளிச்சம்" என்று சொன்னது அதிர்ச்சியடைய வைத்தது. அவரைப் பொறுத்தவரை அது சாதாரண நிகழ்வு. பேருந்தில் உட்காரும் அனேகம் பேருக்கு எத்தனை மணிக்கு தாங்கள் தங்களின் சேருமிடத்தை சென்றடைவோம் என்பது ‍தெரியாது, அனுமானிக்கவும் முடியாது. காரணம், சாலைப் பணிகள் மற்றும் இரயில்வே கடப்புக் கதவுகள் தான்.
சென்னை-திருச்சி நெடுஞ்சாலையில் திண்டிவனத்திற்கு அடுத்த விக்கிரவாண்டியில் ஆரம்பிக்கும் நெடுஞ்சாலையை அகலப்படுத்தும் திட்டம் கிட்டத்தட்ட 3-4 ஆண்டுகளாக நடந்துவரும் சாலைப் பணிகள் இன்று வரை முடிந்தபாடில்லை. ஆமை வேகத்தில் நடை பெறும் இந்தப் பணிகளால் கிட்டத்தட்ட திருச்சி - சென்னை நெடுஞ்சாலையில் வாகனங்கள் அந்தப் பணிகளைப் போலவே தான் நகர்நது ‍செல்கின்றன. 5-7 மணி நேரத்தில் கடக்க வேண்டிய தூரத்தைக் கடக்க 10-12 மணி நேரம் எடுத்துக் கொள்கிறது. இந்தப் பகுதியில் இரண்டு இரயில்வே கடப்பு கதவுகள் உள்ளன. இவை மூடப்பட்டுவிட்டால் குறைந்தபட்சம் அரை மணி நேரம் காத்திருக்கவேண்டிய நிலை ஏற்படுகிறது. இதில் வாகன ஓட்டிகள் வாகனங்களை எதிரும் புதிருமாக நிறுத்திவிடுவதால், இந்தத் தாமதம் கிட்டத்தட்ட 2 - 3 மணி நேரங்கள் வரை கூட எடுத்துக் கொள்கிறது.
இதற்குத் தீர்வு நெடுஞ்சாலைகளின் விரிவாக்கப் பணிகள் போர்க்கால அடிப்படையில் நடை பெற வேண்டும். இன்னும் 6 மாதங்களுக்குள்ளாவது இந்தப் பகுதி சாலைப் பணிகள் முடிக்கப்பட வேண்டும்.
அடுத்து இரயில்வே கடப்பு கதவுகளுக்குப் பதிலாக ‍ மேம்பாலங்கள் அமைக்கப்பட வேண்டும். இரயில்வே கடப்புக் கதவுகளுக்கு அருகில் பூங்காக்கள் அ மைக்கப் போவதாக அந்த துறை அமைச்சகம் அறிவித்துள்ளது. அதற்கு செலவிடும் தொ கையை மேம்பாலங்கள் அமைப்பதில் செலவு செய்தால், நேரம் இழப்பு, விபத்துக்கள் ஏற்படுவது ஆகியவற்றைத் தடுக்கலாம்.
இதுவும் பொருளாதார வளர்ச்சியில் ஒரு பின்னடைவை ஏற்படுத்தக்கூடிய ஒரு முக்கியப் பிரச்சினை தான். கவனிக்குமா சம்பந்தப்பட்டத் துறைகள்.

கல்யாண மன்னன்....

2007-09-22T09:56:00.000+05:30

ஒருவரைத் திருமணம் செய்து கொண்டாலே, அல்லாடுவதாகக் கூறிய மக்களுக்கு மத்தியில் ஒருவர் 100க்கும் மேற்பட்டப் பெண்களை திருமணம் செய்து அதிர்ச்சியை ஏற்படுத்தியுள்ளார்.
திருச்சியைச் சேர்ந்த லியாகத் அலிகான் இந்த சா(வே)தனையை நிகழத்தியுள்ளார். அவர் புதுமையாக இணைத்தளத்தை பயன்படுத்தி இந்த மோசடியை நிகழத்தியுள்ளார் என்பது அதிர்ச்சிகரமான தகவல். இதில் மேலும் ஒரு அதிர்ச்சி என்ன வென்றால், ஏமாந்த அனைவருமே நன்கு படித்த வசதியான குடும்பத்தை சேர்ந்தவர்கள்.
என்னதான் தொழில்நுட்பம் வளர்ந்திருந்தாலும், வாழ்க்கை என்று வரும் போது நன்கு விசாரித்து ஒருமுறைக்கு பலமுறை யோசித்து செய்ய வேண்டியது திருமணம். அத்தகைய திருமணத்தை ஒருவன் பலபேர்களில், பல வழிகளில் மோசடி செய்து பணத்தையும், மானத்தையும சூறையாடியிருக்கிறான் என்றால், இது அவனைவிட அவனிடம் ஏமாந்தவர்களின் தவறுதான்.
எப்படி ‍வெறும் இணையதளத்தை நம்பி தங்கள் வாழ்க்கையை ஒப்படைத்தார்கள்.?
இன்றைய நவீன உலகத்தில் கவர்ச்சியான விளம்பரங்களையும், தோற்றத்தையும் கண்டு மயங்குகிறார்களேத் தவிர, உண்மையான அகப் பண்பைப் பற்றி பலருக்கு கவலை இல்லை. வெளிநாட்டு ‍ முன்பைவிடத் தலைவிரித்தாடுகிறது என்பது தற் போது தெள்ளத் தெளிவாகத் தெரிகிறது.
பெண்களே! தயவு செய்து மனத்தைப் பாருங்கள். உங்கள் வாழக்கை பணத்தால் நிர்ணயிக்கப்படக்கூடாது.

அர்த்தமற்ற போராட்டங்கள்....

2007-09-22T09:15:00.000+05:30

பட்டா வழங்கக் கோரி போராட்டம், சாலை வசதி கோரி போராட்டம், அடிப்படை வசதி கோரி போராட்டம், என்று பல்வேறு விதமான போராட்டங்களை முன்னாள் ஆளுங்கட்சியும் இன்னாள் எதிர்கட்சியுமான அதிமுக நடத்திவருகிறது...

வினோதமான போராட்டங்கள்.... இந்த அரசு பொறுப்பேற்று ஒரு வருடம் ஆகிவிட்டது. இந்த அரசை எதிர்த்து அதிமுக ஆரம்ப காலம் முதலே இது போன்ற போராட்டங்களை நடத்திவருகிறது. இவர்கள் அதற்கு முன் ஐந்தாண்டுகள் பதவியில் இருந்தார்களே. அப்போது ஏன் தற்போது இவர்கள் யாருக்காக போராட்டம் நடத்துகிறார்களோ அவர்களுக்கு ஏன் பட்டா வழங்கவில்லை. குடிநீர் பிரச்சினை இப்போது மட்டும் எப்படி வந்தது? அப்போது ஏன் அவர்கள் அதைப் பற்றி சிந்திக்கவில்லை. தாங்கள் அதற்கு முன் ஐந்தாண்டுகள் ஆட்சியில் இருந்ததே மறந்துவிட்டதா?
உண்மையில் சொல்லப்போனால் இந்தப் போராட்டங்கள் அவர்கள் ஆட்சிக் காலத்தில் தங்கள் கடமைகளை செய்யத் தவறிவிட்டார்கள் என்பது தான் உண்மை. சகட்டு மேனிக்கு போராட்டங்களை நடத்தினால் மக்களிடம் நல்ல பெயர் சம்பாதிக்கலாம் என்று அவர்கள் எண்ணியிருந்தால், அதைவிட அறியாமையான விஷயம் அரசியலில் இருக்க முடியாது. இவை கண்துடைப்புப் போராட்டங்கள் என்பதை மக்கள் நன்றாக அறிந்திருக்கிறார்கள்.
இதை எல்லாம் விட்டுவிட்டு ஆக்கப்பூர்வமான போரட்டங்களை நடத்தினால் நன்றாக இருக்கும்.
ஆக்கப்பூர்வமான போராட்டங்களை எதிர்பார்க்கலாமா?!!!

கண்ணகியை நம்புபவர்கள்...

2007-09-22T07:06:00.000+05:30

"கண்ணகியை நம்புபவர்கள் இராமரை நம்பமாட்டீர்களா?" என்று தேமுதிக தலைவர் திரு. விஜயகாந்த் கேள்வி எழுப்பியுள்ளார்.

நேற்று தேமுதிக அலுவலகத்தில் நடந்த ஒரு நிகழ்ச்சியில் பேசிய அதன் தலைவர் திரு. விஜயகாந்த் "கண்ணகி மதுரையை எரித்ததாக நம்புபவர்கள், இராமர் கட்டிய பாலத்தை மட்டுமே ஏன் நம்ப மறுக்கிறார்கள். இராமர் எந்தக் கல்லூரியில் படித்தார் என்று கேட்கிறார்கள். திருவள்ளுவர் எந்தக் கல்லூரியில் படித்தார் என்றுக் கூறமுடியுமா? தனது மகள் வீட்டில் இராமரா குண்டு போடச் சொன்னார் என்று முதல்வர் கேட்கிறார். மதுரையில் பத்திரிக்கை அலுவலகத்தில் மூன்று பேர் கொலை செய்யப்பட்டார்களே. அது மட்டும் சரியா? தாயுள்ளத்தோடு முதல்வர் பேசுகிறார் என்று சிலர் சொல்கிறார்கள். இந்தத் தாயுள்ளம் இதற்கு முன்பு தெரியவில்லையா? இந்துக்களை மட்டும் புண்படும்படி அவர் பேசி வருகிறார். மற்ற மதத்தினரின் வாக்குகளை மனதில் கொண்டு அவர்கள் பற்றி எதுவும் பேசுவது இல்லை" என்று அவர் பேசினார்.

திரு. விஜயகாந்த் பேசியது சரியே, "வேண்டாத மருமகள் கைபட்டால் குற்றம், கால் பட்டால் குற்றம்" என்பது போல் தமிழக முதல்வர் பேசியது அனைவருடைய கண்டனத்துக்கு ஆளாகியுள்ளது. திமுகவின் அபிமானிகளே வருத்தப்படும் அளவுக்கு அவருடைய பேச்சு மிகவும் புண்படுத்தியுள்ளது என்பதே உண்மை.

மதத்தின் பெயரால்...

2007-09-22T06:24:00.000+05:30

நேற்று சென்னையில் நடந்த விழா ஒன்றில் ஆற்காடு இளவரசர் பேசியதாக ஒரு செய்தியைக் காலையில் தினகரன் நாளிதழில் படித்தேன். அது மேலோட்டமாகப் பார்த்தால் ஒரு நல்ல கருத்துக்களைக் கொண்டதுதான். ஆனால், அதை ஆழ்ந்துப் படித்த போது அதில் சிறிது பொடி வைத்துப் பேசியிருப்பது நன்றாக விளங்கியது. அவர் "சமூகத்தில் அமைதி ஏற்படவேண்டும். மதத்தின் பெயரால் வன்முறையில் ஈடுபடுவது மக்கள் நலனுக்கு எதிரானது. பாபர் மசூதி இடிப்பு சம்பவம் முதலும், கடைசியுமாக இருக்கட்டும்" என்றுத் தெரிவித்துள்ளார்.
எல்லாம் சரிதான். ஆனால் பாபர் மசூதி இடிப்பு சம்பவம் முதலும், கடைசியுமாக இருக்கட்டும் என்பது இந்துக்கள் தான் வன்முறையாளர்கள் என்பது போல அவர் பேசுவது மிகுந்த கண்டனத்துக்கு உரியது. மும்பை குண்டு வெடிப்பு, கோவை குண்டு வெடிப்பு, ஐதராபாத் குண்டு வெடிப்பு, இவை எல்லாவற்றிற்கும் மேலாக காஷ்மீரில் நடக்கும் வன்முறை வெறியாட்டங்கள் இவை எல்லாம் நிகழ்த்துவது?! இவற்றை ‍எல்லாம் விட்டுவிட்டு பாபர் மசூதி இடிப்பை மட்டும் பேசுவது அவருடைய பாரபட்சமான நிலையை எடுத்துக்காட்டுகிறது.
இது போன்ற சமூகத்தின் பெரிய அந்தஸ்த்தில் உள்ள ‍பெரிய மனிதர்கள், வார்த்தைகளை பயன்படுத்தும் போது கவனமாகப் பயன்படுத்தட்டும். அடுத்தவர்களை குற்றஞ்சுமத்தும் வீட்டில் படித்துப் பார்த்துக் கொண்டு வரட்டும்.

நீங்களும் உதவலாமே...

2007-09-21T06:41:00.000+05:30

"நாடு உனக்கு என்ன செய்தது என்று எண்ணுவதை விட நீ நாட்டுக்கு என்ன செய்தாய் என்று எண்ணிப்பார்" என்று ஒரு அறிஞர் கூறினார்.

நீங்களும் உங்களால் இயன்ற அளவில் நாட்டிற்கு உதவலாம். அதுவும் குறிப்பாக காவல்துறைக்கு உங்களால் இயன்ற சிறுசிறு உதவிகளை செய்யலாம். சென்னைக் காவல்துறை போக்குவரத்து மற்றும் சட்டம் ஒழுங்கிற்காக பொதுமக்களின் ஆதரவையும் கோருகிறது. போக்குவரத்தை சீர் செய்தால், பெண்களுக்கு எதிரான வன்முறைகளில் பெண்களுக்கு உதவுதல், மருத்துவப் பரிசோதனை, கல்வி போன்றவற்றிற்கு உதவுதல், இரவு சோதனைகளுக்கு உதவுதல் என்று பல்வேறு பொதுமக்கள் பங்கெடுக்கக்கூடிய திட்டங்களை செயல்படுத்தி வருகிறது.

இதில் நீங்களும் பங்கெடுக்கலாம். இதற்காக தங்களின் இணையதளத்தில் காவல்துறை விண்ணப்படிவங்களை அறிமுகப்படுத்தியுள்ளது. உங்களால் முடியும் என்றால் உதவுங்களேன்.

வலைப்பக்கம் : http://www.chennaicitypolice.org/vol.htm

சாலை விபத்துக்கள்...

2007-09-21T05:51:00.000+05:30

சமீப காலத்தில் பிறப்பு விகிதத்தைவிட இறப்புவிகிதம் அதிகரித்து வருகிறது. குறிப்பாக சாலைகளில் வாகன விபத்துக்களின் எண்ணிக்கைக் கூடிக் கொண்டே போகிறது.

தமிழ்நாட்டில், 2005 ஆண்டு நடந்த சாலை விபத்துக்களில் இறந்தவர்களின் எண்ணிக்கை 9,758 ஆகும். இது ஆஸ்திரேலியா முழுவதும் நடந்த உயிரிழப்புகளைவிட மிக மிகக் கூடுதலாகும்.

தற்போது 2007ல் விபத்துக்களின் எண்ணிக்கை மேலும் கூடுதலாகவே இருப்பதாக அறியப்படுகிறது. சென்னை-திருச்சி, மதுரை-கன்னியாகுமரி, சென்னை- பெங்களூரு போன்ற தேசிய நெடுஞ்சாலைகளில் மிகவும் அதிகமான வாகன விபத்துக்கள் ஏற்படுகின்றன.

இதற்கு அனேகமான காரணம் வாகன ஓட்டிகளின் கவனக்குறைவே. எதிர்வரும் வண்டிகளை மதிக்காமலும், அதிவிரைவாகவும், முந்தி செல்லுவதாலும் அனேக விபத்துக்கள் நடைபெறுகின்றன.

பேருந்தில் இரவு நேரங்களில வெளியூர் பயணம் மேற்கொள்பவர்களுக்கு இரவு நேரத்தில் வாகன ஓட்டிகளின் அத்துமீறல்கள் நன்றாகத் தெரிந்திருக்கும். இருப்புப்பாதை கடக்குமிடங்களில், குறுகிய சாலைகளில், வளைவுகளில் வாகனங்கள‍ை செலுத்தும் போது அனேக வாகன ஓட்டிகள் நிதானத்தைக் கடைப்பிடிப்பதேயில்லை. இதில் அரசு மற்றும் தனியார் போக்குவரத்து ஓட்டுனர்கள், தனியார் சுற்றுலா வாகன ஓட்டுனர்கள் அடங்குவர். போக்குவரத்து நெரிசல்கள் ஏற்படக்கூடிய இருப்புப்பாதை கடக்கும் பகுதிகளில் காத்திருக்க பொறுமையில்லாமல் ஒருவரை ஒருவர் முந்திக் கொண்டு சாலையை அடைத்துக் கொள்வதால் இருப்பக்கங்களிலும் இருந்து வரும் வாகனங்களால் செல்லமுடியாத நிலை ஏற்படுகிறது. இது இவ்வாறிருக்க சில நேரங்களில் மருத்துவ நோயாளிகள‍ை ஏற்றிச் செல்லும் வாகனங்களுக்குக் கூட வழிவிடாமல் செல்லும் சில மனிதாபிமானிகளும் இருக்கிறார்கள் என்பது வேதனையான விஷயம்.

இவ்வாறு பல வழிகளில் விதிமுறைகளை மீறும் வாகனஓட்டிகள் எதிரே வரும் வாகனம் சாலைஓரமாக நிற்கும் வாகனம் என்று எதையும் சில நேரங்களில் கவனிக்காமல் செல்வதால் பெரும் விபத்துக்களும், உயிரிழப்புகளும் ஏற்படுகின்றன. கவனமாக வாகனங்கள‍ை ஓட்டி வருபவர்கள்கூட தற்செயலாக இது போன்ற அசட்டையான வாகனஓட்டிகளின் செயல்கள் காரணமாக விபத்துக்களில் மாட்டிக் கொள்ள நேரிடுகிறது.

இதற்கான ஒரே தீர்வு வாகன ஓட்டிகள் கையில்தான் உள்ளது. அதாவது சுயபாதுகாப்பைவிட அடுத்தவர்கள் பாதுகாப்பை கவனத்தில் எடுத்து கொண்டால் மட்டுமே இதைத் தவிர்க்கமுடியும். முக்கியமாக பேருந்துகள் மற்றும் பயணிகளை ஏற்றிச் செல்லும் வாகன ஓட்டிகள் பலரின் உயிர் தங்களின் கைகளில் உள்ளது என்றப் பொறுப்ப‍ை உணர்ந்தாலே பல விபத்துக்களைத் தவிர்க்கலாம்.

விபத்துக்களை தவிர்க்க சில வழிகள்:

1. வாகனங்களை சாலைவிதிகளின் படி ஓட்டுவது.

2. நிர்ணயிக்கப்பட்ட வேகத்திற்குமேல் வாகனத்தை ஓட்டாமல் இருப்பது

3. முறையான சைகைகள் இல்லாமல் வாகனங்களைத் திருப்புவது மற்றும் முந்திச் செல்வதை தவிர்ப்பது

4. கண்கூசும் விளக்குகளை ஒளிரச் செய்வதை தவிர்ப்பது

5. தூக்கக் கலக்கத்தில், மது போதையில் வண்டி ஓட்டாமல் இருப்பது

6. பேசிக் கொண்டே வண்டி ஓட்டாமல் இருப்பது

7. செல்போனில் பேசிக் கொண்டே வண்டி ஓட்டுவதை முற்றிலும் தவிர்ப்பது

8. அளவுக்கு அதிகமானவர்களை ஏற்றிச் செல்லாமல் இருப்பது

உங்கள் உயிர் மட்டுமல்ல, அடுத்தவர்கள் உயிரும் விலைமதிக்க முடியாததுதான்....

பெங்களூருத் தாக்குதல்...

2007-09-21T05:15:00.000+05:30

இராமாயண காலத்தில் இலங்கைப் பற்றி எறிந்ததோ இல்லையோ... நவீன காலத்தில் இராமனால் ஏற்படும் சர்ச்சைகள் அவ்வப்போது இந்தியாவில் பற்றி எரியத் தான் செய்கின்றன.

சேது சமுத்திரம் திட்டம் ஆரம்பம் முதலே பல்வேறு தடைகளை சந்தித்து வருகின்றது. இராம ஜென்ம பூமிக்குப் பிறகு சூடுபிடித்துள்ளது இராமர் கட்டிய சேது பால விவகாரம் தான். அது இந்துக்களுக்கும், முஸ்லீம்களுக்கும் இடையேயான விவகாரம் என்றால், இது இந்துக்களுக்கும் மத(த்தின் மேல்)நம்பிக்கை இல்லாத இந்துக்களுக்கும் இடையேயானப் பிரச்சினை என்றே சொல்லவேண்டும்.

அதுவும் சேது சமுத்திரத் திட்டத்தை நிறைவேற்றும் பொறுப்பு மதநம்பிக்கையில்லாத திராவிடக் கட்சியைச் சார்ந்த ஒரு அமைச்சரின் பொறுப்பில் வந்தது, இந்த விவகாரத்த‍ை மேலும் தீவரமாக்கியது. இத்திட்டத்தை எதிர்த்து ஜனதா கட்சித் தலைவர் சுப்பிரமணியசுவாமி உச்சநீதிமன்றத்தில் வழக்குத் தொடர்ந்தார். விசாரணையின் போது, சேது பாலம் என்பது இயற்கையான மணல்திட்டுக்கள் தான், இராமர் கட்டியது அல்ல என்று அறிக்கைத் தாக்கல் செய்தது அரசு. இதற்கும் ஒருபடி மேலே போய் தொல்பொருள் ஆராய்ச்சித் துறை இராமர் என்ற ஒருவர் வாழந்ததற்கான எந்தவிதமான ஆதாரமும் இல்லை என்று உச்சநீதிமன்றத்தில் தெரிவித்தது. இது மேலும் இந்த விவகாரத்தில் சிக்கலை ஏற்படுத்தியது. நாடு முழுவதும் இந்துக்கள் கொதித்துப் போனார்கள். நிலைமைத் தீவிரமாவதை உணர்ந்த மத்திய அரசு அந்தக் கருத்தினை உச்சநீதிமன்றத்திலிருந்து திரும்பப் பெற்றது.

இதற்கிடையே தமிழக முதல்வர் திரு. கருணாநிதி அவர்கள் தொடர்ந்து இந்த விவகாரத்தில் தெரிவித்து வந்தக் கருத்துக்கள் மேலும் கொந்தளிப்பை ஏற்படுத்தின. இறுதியாக, இராமனைப் பற்றி அவர் தெரிவித்தக் கருத்துக்கள் தீவரமான அளவுக்கு கொண்டு ‍சென்றது, இதன் விளைவாக பெங்களூருவில் இருக்கும் திரு. கருணாநிதியின் மகள் செல்வியின் வீடு மீது தாக்குதல் நடந்தது. அதோடு தமிழ்நாடு அரசுக்கு சொந்தமான பேருந்து ஒன்றும் எரிக்கப்பட்டது. இதில் இருவர் கொல்லப்பட்டனர்.

இந்த செயல் எவ்வாறாயினும் கண்டிக்கத்தக்கது. இந்து மதம் என்றும் வன்முறையை விரும்பியது இல்லை. அதன் பாதையில் அத்தகைய வழிகளுக்கு இடமே இல்லை என்பது தான் உண்மை. இது காட்டுமிராண்டித் தனம் என்றே சொல்லவேண்டும். ஒரு ஜனநாயக நாட்டில் யாருக்கும் கருத்து சொல்ல உரிமையுள்ளது என்றாலும், அது தவறாயிருக்கும் பட்சத்தில் அதனால் பாதிக்கப்படுபவர்கள் அதற்காக சட்டத்தைக் கையிலெடுத்துக் கொண்டு வன்முறை வெறியாட்டங்களில் ஈடுபடுவது ஒரு நாளும் அனுமதிக்க முடியாத ஒன்று.

அதே வேளை, ஒரு பொறுப்புள்ள ஒரு மாநிலத்தின் தலைமைப் பொறுப்பிலுள்ள ஒரு தலைவர் பெரிய அளவில் பாதிப்பை ஏற்படுத்தும் கருத்துக்களை சொல்லாமல் இருப்பது நல்லது. அதுவும் மதம் போன்று உணர்ச்சிகரமான விஷயங்களில் அவர்கள் இது போன்றக் கருத்துக்களைத் தெரிவிக்காமல் இருப்பது நல்லது.

அவர் தெரிவித்தக் கருத்தால், நாடு முழுவதிலும் உள்ள இந்துக்களின் மனம் வெகுவாகப் புண்பட்டுள்ளது என்பது உண்மை. திரு. கருணாநிதி அவர்கள் தற்போது யாரையும் புண்படுத்துவது என் நோக்கமல்ல என்று தன்னிலை விளக்கம் கொடுத்தாலும், அவரின் வார்த்தைகள் என்றுமே இந்து மதக் கோட்பாடுகள் மற்றும் சடங்குகளை விமர்சிப்பதாகவே இருந்து வந்துள்ளது என்பது உண்மை. எனவே, ஒரு மாபெரும் தலைவருக்கு கோடானு கோடி மக்களின் இதயங்களைப் புண்படுத்துவது எந்தவிதத்திலும் அழகில்லை. ஐயன் திருவள்ளுவரின் திருக்குறள் தான் நினைவுக்கு வருகிறது.

"இனியஉளவாக இன்னாது கூறல் கனியிருப்பக்

காய் கவர்ந்து அற்று"

கிரிக்கெட் மேட்ச்....(?!!)

2007-09-16T06:49:00.000+05:30

நாள்தோறும் பரபரப்பான ஆட்டங்கள், பத்திரிக்கையைத் திறந்தாலே பலவிதமான விமர்சனங்கள், போட்டி அறிக்கைகள் என்று தூள் பரத்திக் கொண்டிருக்கிறது இந்திய கிரிக்கெட். போட்டிகளில் விளையாடுகிறார்களோ இல்லையோ நன்றாக அரசியல் பண்ணுகிறார்கள் என்பது தற்போதைய நிலை.
சமீபத்தில் ஜீ சேனலின் துணையோடு துவங்கப்பட்ட "இந்திய கிரிக்கெட் லீக்" தான் இத்தனைக்கும் காரணம். ஒரு வகையில் ஐசிஎல்-ஐ நான் வரவேற்கிறேன். இதுவரை சர்வ வல்லமைப் படைத்த அமைப்பாக இருந்த பிசிசிஐக்கு ஒரு குட்டு வைத்துள்ளது ஐசிஎல். இதுவரை ‍பிசிசிஐ செய்து வந்த அட்டூழியங்களுக்கு அளவே இல்லை என்றுக் கூறலாம். குறிப்பாக, வீரர்கள் தேர்வில் மிகுந்த பாரபட்சம் காட்டி வந்தது. திறமை உள்ளவர்களை பலவிதத்தில் இருட்டடிப்பு செய்து வந்தது. இனி அந்த நிலை நீடிக்காது என்றே நம்புவோம்.
இது வரை இருந்த நிலைக்கு, ஐசிஎல்லில் பல வீரர்கள் சேர்ந்திருப்பதே சான்று. கிரிக்கெட் வீரர்களை வைத்து பணம் சம்பாதிக்கும் ஒரு விளம்பர நிறுவனமாகவே இதுவரை இருந்து வந்தது. அதனால், சமீப காலங்களில் இந்திய வீரர்களின் ஆட்டங்கள் மிளரவில்லை.
ஐசிஎல்-இல் துவக்கம் ஒரு ஆரோக்கியமான போட்டியாகவே இருக்கும் என்று தெரிகிறது.
போட்டி ஆரோக்கியமானதா? போட்டியாளர்கள் அரோக்கியமானவர்களா? பொறுத்திருந்து பார்ப்போம்.

‍ஜெயலிலதாவின் வரவேற்கத்தக்க அறிக்கை...

2007-09-15T20:15:00.000+05:30

ராமர் பாலம் விவகாரத்தில் பாலத்திற்கு எந்தவித சிறு சேதமும் இல்லாமல் அதை பாதுகாக்கவேண்டும் என்று அதிமுக பொதுச் செயலாளர் செல்வி. ஜெயலலிதா அவர்கள் அறிக்கை விடுத்துள்ளார்கள். அதில் இந்து மதத்தினரின் ஆழ்மனதைப் புண்படுத்துவது எந்தவிதத்திலும் மதச்சார்பின்மையாகாது என்றும் மதம் என்பது நம்பிக்கை அடிப்படையிலானது, எனவே மத்திய அரசாங்கமே ஒரு குறிப்பிட்ட மதத்தின் நம்பிக்கையை சீர்குலைக்கும் விதமாக செயல்படுவது எந்தவிதத்திலும் ஏற்கத் தக்கதல்ல என்றும் கூறியுள்ளார். ராமர் பாலத்தை எந்தவிதத்திலும் சேதப்படுத்தாமல் மாற்றுத் திட்டங்கள் கொடுக்கப்பட்டிருக்கையில் அதை சேதப்படுத்தியே தீருவோம் என்றும் மத்திய அமைச்சர் திரு. டி.ஆர். பாலு வெகுண்டெழுவது எதனால் என்றும் கேள்வி எழுப்பியுள்ளார்.

எது எப்படியோ தமிழக அரசியல் கட்சிகள் அனேகமானவை, ராமர் பாலத்தை இடிப்பது குரல் கொடுக்காத போது செல்வி. ஜெயலலிதா அவர்களின் இந்த அறிக்கை இந்து மக்களுக்கு ஒரு வித நம்பிக்கையை அளிக்கும் என்பது நிச்சயம்.

வீரமணி ஐயா அவர்களுக்கு ஒரு வார்த்தை...

2007-09-15T17:08:00.000+05:30

வீரமணி அவர்களுக்கு,

ஒரு பகிரங்கக் கடிதம். கடவுள் இல்லை. மதங்கள் பொய் என்று வாய் கிழிய பேசும் நீங்கள் எதை கடவுள் மதம் என்றுக் கூறுகிறீர்கள்?!! இந்துமதம் மட்டுந்தான் மதமா? இந்துக் கடவுள்கள் மட்டுந்தான் கடவுள்களா?

எப்போது இந்துமதத்தில் உங்களுக்கு நம்பிக்கை இல்லையோ, அந்த மதத்தைப் பற்றி நீங்கள் எப்படி பேசலாம். தொல்பொருள் ஆய்வாளர்கள் சொல்லிவிட்டால், அது என்ன பெரிய அங்கீகாரமா? இத்தனைக் கோடி இந்துக்கள், இத்தனை பல நூற்றாண்டுகள் அல்லது ஆயிரம் ஆண்டுகள் கழித்தும் வாழ்ந்து கொண்டிருக்கும் இந்து மதத்தின் குறைந்தபட்சம் 60 ஆண்டுகள் வாழக்கூடிய அவர்கள் யார் அங்கீகாரம் அளிக்க.

நான் ஒன்றுக் கேட்கவிரும்புகிறேன். நீங்கள் சார்ந்திருக்கும் கூட்டணிக்கு ஒரு இந்துவும் வாக்களிக்க . தங்களுக்கு நீங்கள் மதிக்கும் மதத்தினர்(?!!) மட்டும் வாக்களித்தால் போதும் என்று தைரியமாக சொல்லமுடியுமா? இந்து மதத்திற்கு சகிப்புத் தன்மையும் அதிகம், அதனால் தான் விவேகமாக நடப்பதை பெரும்பாலும் விரும்புகிறோம். உதாரணம், விவேகானந்தர்... அவரை விடப் பெரிய ஒரு உதாரணம் தேவையே இல்லை.

உண்மை மதச் சார்பின்மை என்றால் என்ன?

எந்த மதத்தினையும் சாராமையே மதச்சார்பின்மை, மற்ற மதங்களின் விழாக்களும் வாழ்த்துத் தெரிவிப்பதும், இந்து மத விழாக்களுக்கு கண்டனம் தெரிவிப்பதும் ஒரு மதச்சார்பற்ற மனிதர் செய்யும் வேலையில்லை.

யார் என்ன செய்தாலும் இந்துமதத்தை அழிக்கமுடியாது. உங்கள் கைகளால் கண்களை மறைத்துக் கொள்வதால், சூரியனை மறைத்துவிட்டதாகப் பொருளாகிவிடாது.

ஒரு உண்மையானா மதச் சார்ப்பற்ற தலைவர் என்றால், எல்லா மதங்களிலும் உள்ள மூடநம்பிக்கைகளை சாடுங்கள். நீங்கள் மற்ற மதங்களில் மூடநம்பிக்கைகளே இல்லை என்று சொல்ல மாட்டீர்கள் என்று நினைக்கிறேன்.

மனிதர்களுக்காக தான் மதங்கள், மதங்களுக்காக மனிதர்கள் அல்ல... இதில் உங்களுக்கு வேறான கருத்து இருக்காது என்று நம்புகிறேன்.

விநாயகர் சிலைகள் கரைக்கத் தடை...

2007-09-15T16:05:00.000+05:30

கரூர் மாவட்டம் பள்ளப்பட்டியில், விநாயகர் ஊர்வலத்தை இந்து முன்னணியினர் எடுத்துச் செல்லவும், அந்த சிலைகளை அருகில் உள்ள ஆற்றில் கரைக்கவும் காவல்துறை அனுமதியளித்தது. தற்போது முஸ்லீம் சமுதாயத்தைச் சார்ந்த சிலரின் எதிர்ப்புக் காரணமாக அந்த அனுமதியை காவல்துறைத் திரும்பப் பெற்றுக் கொண்டுள்ளது.

இது மதநல்லிணக்கத்திற்கும் ஒற்றுமைக்கும் ஊறுவிளைவிப்பதாகவே தோன்றுகிறது. ஒரு மதத்தினர் தங்களின் மத நம்பிக்கைக்கு பாதிப்பு ஏற்படும் வகையில் ஏதேனும் நிகழ்வுகள் நடந்தால் தான் எதிர்ப்புத் தெரிவிக்க வேண்டுமே தவிர, தேவையில்லாமல் மற்ற மதங்களின் நம்பிக்கை மற்றும் நிகழ்வுகளில் தலையிடக்கூடாது.

உங்கள் மதகோட்பாடுகள் எப்படி உங்களுக்கு பெரிதோ அது போல தான் மற்றவர்களுக்கும், தயவு செய்து இதைப் புரிந்து கொள்ளுங்கள். எந்த மதத்தையும் இறைவன் மறுக்கவில்லை. அதனால் தான் இத்தனை மதங்களும் இன்று உயிர்த் துடிப்போடு உள்ளன.

தயவு செய்து அவரவர் மத வழிபாடுகளுக்கு வழிவிடுங்கள். எல்லா மதங்களும் சேர்வது இறைவன் ஒருவனை மட்டுமே. எல்லா மதங்களும் வலியுறுத்துவதும் பரம்பொருள் ஒன்றினையே.

நாகூர் சந்தனக்கூடு விழாவுக்கு சந்தனக்குடங்களை தரும் இந்துக்களும் இருக்கிறார்கள். சபரிமலை ஐயப்பனை தரிசிக்கும் முன் அவர்களுக்கு அருள் பாலிப்பது வாவர் என்ற இஸ்லாமியப் பெரியார் தான்.

பல கோவில்களுக்கு எத்தனையோ இஸ்லாமியர்கள் நிதி தந்து கும்பாபிஷேகத்தை நடத்தியுள்ள அபூர்வமான நிகழ்வுகளும் நடந்துள்ளது. எத்தனையோ முஸ்லீம்கள் திருப்பதிக்கு வந்து பெருமாளை வணங்குவதை நான் கண்டிருக்கிறேன்.

இறைவன் எவ்வழியில் வழிப்பட்டாலும் ஏற்றுக் கொள்வான். நமது நல்லிணக்கத்தைக் குலைத்துக் குளிர்காய நினைக்கும் அரசியல் வாதிகளின் சதிகளுக்கு ஆளாகிவிடாதீர்கள். இது என் தாழ்மையான வேண்டுகோள்.

மதங்களைவிட மனிதர்களை மதியுங்கள், மதமும் மானுடத்தைத் தான் விரும்புகிறது.

குற்றாலக் கொடுமை...

2007-09-14T22:44:00.000+05:30

வெள்ளிக் குழம்பு....

இரண்டு நாட்களுக்கு முன் குற்றாலத்திற்கு செல்லக்கூடிய ஒரு அருமையான வாய்ப்பு எனக்குக் கிடைத்தது. நானும் எனது நண்பர் ஒருவரும் குற்றாலத்திற்கு இரவு 8 மணியளவில் சென்றிருந்தோம். அந்த நேரத்திலும் வெள்ளிக் குழம்பாய் கொட்டித் தன் கடமையை சரிவரச் செய்துக் கொண்டிருந்தன அருவிகள்.

சுமாரானக் கூட்டம், அந்த நேரத்திலும் உடலில் எண்ணையை ஊற்றி தடவிக் கொண்டும், குளிப்பதற்கு யோசித்தவாறு சற்றுத் தயங்கிக் கொண்டும், துள்ளலோடு அருவியின் நீருக்கடியில் வேகமாய் புகுந்தவர்களாகவும் ஆங்காங்கே மனிதர்களைப் பார்க்க முடிந்தது.

நாங்களும் அந்தப் பரவசத்தை அனுபவிப்பதற்காக ஆவலாக அருவி அருக‍ே சென்றோம். அருவியில், ஆண்கள் குளிப்பதற்கு மற்றும் பெண்கள் குளிப்பதற்கு தனிப் பகுதி என்று பாதுகாப்புக் காரணங்களுக்காக ஒதுக்கி வைத்திருந்தார்கள்.

இந்த அருவிக்கருகில் சற்று நீரோடைக்கு மேலே உள்ள பாலத்தில் ஒரு காவலர் கண்காணிப்புப் பணியில் ஈடுப்பட்டிருந்தார்.

பாவம் ஒருப் பக்கம் பழி ஒருப் பக்கம்

ஆண்கள் கவனம் எல்லாம் அருவியின் குளிப்பதிலேயே அதிகமாக இருந்தது.. சற்று நேரத்தில் அவர்களின் கவனத்தை திசைத் திருப்புவதாக சிலக் கல்லூரிப் ‍பெண்கள் அங்கே வந்து சேர்ந்தனர். இருப்பினும் எந்தவித மறுதலிப்பும் இல்லாமல் இளைஞர்கள் தாங்கள் குளிப்பதில் திசைத் திருப்பிக் கொண்டிருந்தனர்.

சற்று நேரத்திற்கெல்லாம் ஆட்டம், பாட்டமுமாக அல்லோகலப்பட்டுக் கொண்டிருந்தது, பெண்களின் பகுதி நீர் வீழ்ச்சி. ஆண்களை நோக்கிக் கையசைப்பதும், சேட்டை செய்வதுமாக அந்தப் பெண்களின் நடவடிக்கைகள் வரம்பு மீறிக் கொண்டிருந்தன.

இது இந்தப் புறம் இருந்த இளைஞர்களை சற்றுத் திகைப்படையச் செய்தது. சற்று உற்சாகப்படுத்தியும் விட்டது.

ஆனால் காவலர், அந்தப் பெண்களை ஒன்றும் சொல்லாமல், இந்த இளைஞர்க் கூட்டத்தை அங்கிருந்து விரட்டுவதிலேயே குறியாக இருந்தார். தங்களுக்குள் ஏதோ பேசிக் கொண்டிருந்த இளைஞர்களை தன் கையில் இருந்தத் த‍டியால் தள்ளிவிட்டு அவர்களை விரட்டியடித்தார். அது மிகவும் வேதனையாக இருந்தது.

உண்மையில், இந்த செயலைப் பார்க்கும் போது, பெண்கள் என்ன தான் தவறுகள் செய்தாலும் அது ஆண்கள் தலையில் தான் வந்து விடிகிறது என்பது. அந்தப் பெண்களின் ஆரம்பக் கட்ட நடவடிக்கைகள் எல்லாம் ஆண்களையும் நகைச்சுவ‍ை உணர்வோடு தான் பார்க்க வைத்தன. ஆனால் போகப் போக அவர்களின் விரசமான பரிகாசமான நடவடிக்கைகள் சற்று முகம் சுளிக்க வைத்தன. இதற்கு பலிகடாவாக மாறியவர்கள் அங்கிருந்த இளைஞர்கள் தான்.

இதைத் தான் பழி ஒருப் பக்கம் பாவம் ஒரு பக்கம் என்பார்களோ?!!

தென்னகத்தைக் கலக்கும் விளம்பரப் பலகைகள்...

2007-09-14T22:07:00.000+05:30

‍ஆவணி மாதம் வந்தாலே எங்கேயும் பரப்பரப்புத் தொற்றிக் கொண்டுவிடும்... தொழில் முதல் திருமணங்கள் வரை அனைத்துமே பரப்பரப்பின் காரணங்களாக இருக்கும். தற்போதையக் காலங்களில் எங்கு பார்த்தாலும் வண்ணமயம் பளீரிடுகிறது. வண்ணவிளக்கு அலங்காரங்கள் தோரணங்கள் இதனுடன் இன்றையத் தொழில்நுட்பத்தின் மழலையான "ஃப்ளக்ஸ்" விளம்பரங்கள்.

ஒரு காலத்தில் விளம்பரப் பலகைகளை அரசியல் தலைவர்கள் மற்றும் பிரபலங்களுக்கு மட்டுமே பார்க்க முடிந்தது. ஆனால் இன்று நிலைமை தலைக் கீழ். இந்த வாரத்தில் நான் மதுரை மாவட்டத்தில் பயணம் மேற்கொள்ளும் வாய்ப்புக் கிடைத்த போது கண்ட காட்சிகள் வியப்பாகவும், கலாச்சார மாற்றத்தினையும் பறைசாற்றின. நான் சென்ற வழிகளில் கண்ட அனேக திருமண மண்டபங்களின் வாயில்களில் மணமக்களின் படம் அச்ச‍டிக்கப்பட்ட விளம்பரப் பலகைகள் கம்பீரமாக நின்றன. சிலப் படங்களில் அதை நிறுவிய நண்பர்கள் படங்களும், சில இடங்களில் மணமக்களின் பெற்றோரின் படங்களும், சிலவற்றில் கவிதை வரிகளுடன் கூடிய வாழ்த்துக்களும், சிலவற்றில் அரசியல் தலைவர்களும் புன்னகைப்பூத்தபடி இடம் பெற்றிருந்தனர்.

தொழில்நுட்பத்தின் வளர்ச்சித் தான் எத்தனை பெரிய மாற்றங்களை ஏற்படுத்தி உள்ளது. நான் பலவீடுகளில் தங்களுக்குப் பிடித்த தலைவர்கள், திரைப்படக் கலைஞர்களின் படங்களுடன் கூடிய திருமண வாழ்த்துப் படங்களை சட்டம்போட்டு மாட்டியிருப்பதைப் பார்த்திருக்கிறேன். அவை எல்லாம் இன்று மலையேறிவிட்டன.

வெற்றிலைப் பாக்கு வைத்து வீடு வீடாக சென்று அழைத்த காலம் போய்... பத்திரிக்கை அ‍டித்து ஊரை அழைத்த காலம் போய்... பேனர் வைத்து ஊருக்கே மணமக்களைத் தெரிவிக்கும் காலம் வந்துவிட்டது...

விளம்பரப் பலகைகள் வைப்பதற்கு பல ஆயிரங்கள் செலவு செய்ய வேண்டும் என்று நிலை மாறி சில நூறுகள் இருந்தாலே போதும் எறை நிலைக்கு கொண்டு வந்துள்ளன இந்த விஞ்ஞானத்தின் வளர்ச்சியிலானத் தொழில்நுட்பங்கள்.

எது எவ்வாறாக இருந்தாலும் ‍என்னதான் தொழில்நுட்பங்கள் முன்னேறியிருந்தாலும், அந்தத் திருமணங்களில் நம் பண்பாடுகள் எதுவும் மறையாமல் காணப்பட்டது தான் மறுக்கமுடியாது உண்மை. எத்தனை ஆயிரம் நவீனங்கள் வந்தாலும் நம் பண்பாட்டினை மறக்காமல் அதையும் மீறி வெளிப்படுவது தான் நம் மக்களின் சிறப்பு.

தமிழ் இசைக்குயிலுக்கு ஆந்திரத்தில் சிலை

2007-09-10T07:03:00.000+05:30

நான் கடந்த வாரம் திருப்பதிக்கு சென்றிருந்தேன். அந்த ஏழு மலைகள் கூட என்னைப் பிரமிக்க வைக்கவில்லை. அந்த ஏழுமலையானின் தரிசனத்தைவிட மிகவும் பரவசப்பட்டுப் போனது, திருப்பதி பேரூந்து நிலையத்தின் அருகில் அந்த மாபெரும் இசைக்குயிலுக்கு வைக்கப்பட்டுள்ள சிலை தான். நேரில் வந்து அமர்ந்துள்ளது போல் தத்ரூபமாக உள்ள அந்த சிலையைப் பார்த்த போது பரவசம் கொண்டு மனது "குறை ஒன்றும் இல்லை கோவிந்தா" என்று அந்த இசைக்குயிலின் இனிய கானத்தை நினைவுக் கூர்ந்தது.

தமிழ்நாட்டில் பிறந்தாலும், உலகம் முழுமைக்கும் அந்த குயிலின் குரல் சொந்தம் என்றால் மிகை ஆகாது. அக்குயிலுக்கு ஆந்திரத்தில் சிலை அமைக்கப்பட்டுள்ளது கண்டு மிகவும் பெருமை கொண்டேன். அந்த இசைக் குயில் வேறு யாரும் அல்ல, காற்றினிலே வரும் கீதாமாய் என்‍றென்றும் நம் மனதிற்குள் பக்த மீராவாக வாழந்துக் கொண்‍டிருக்கும் தெய்வத்திருமதி. எம்.எஸ். சுப்புலட்சுமி அவர்கள் தான்.

மொழிகளை தாண்டி மனங்களைக் கவர்ந்த இசைக் குயிலுக்கு இந்த சிலை ஒரு அருமையான சமர்ப்பணமாகத் தான் இருக்கும்.

மூன்றாவது அணி - கேலிக்கூத்து

2007-09-10T06:06:00.000+05:30

குடியரசுத் தலைவர் தேர்தலில் அவசர அவசரமாக மூன்றாவது அணியை உருவாக்கின சமாஜ்வா‍டி, ‍தெலுங்கு தேசம், லோக் ஜனசக்தி, அதிமுக உள்ளிட்ட கட்சிகள். எடுத்த எடுப்பிலேயே கு‍டியரசுத் தலைவர் தேர்தலில் மீண்டும் அப்துல் கலாமை நிறுத்த முயற்சி மேற்கொண்ட, இந்த அரசியல் விளையாட்டுகளுக்கெல்லாம் அப்பாற்பட்ட கலாம் அவர்கள், ‍‍ஜெயிப்பதாக இருந்தால் மட்டுமே தேர்தலில் நிற்கப் போவதாக நாசுக்காக தன்னுடைய விருப்பமின்மையைத் தெரிவித்து விலகிக் கொண்டார். முதல் முயற்சியே சறுக்கலாக அமைந்தது மூன்றாம் அணிக்குள் பெரும் அதிர்ச்சியை ஏற்படுத்தியது. அடுத்ததாக அத்தேர்தலில் வாக்களிக்கப் போவதில்லை என்ற நிலைப்பாட்டை மேற்கொண்டது அந்த அணி. ஆனால், அவசர கோலமாக ‍ஜெயலலிதா அவர்களைத் தவிர அனேக அதிமுக எம்எல்ஏ, எம்பிக்கள் ‍‍தேர்தலில் வாக்களித்தனர். இது தனக்கேத் தெரியாது என்று ஜெயலலிதா அவர்கள் கூறியதை யாரும் நம்புவதாக இல்லை. இப்படி இரண்டாவது சறுக்கல் ஆரம்பித்தது. இடையில் பிரதமரை தரக்குறைவாக விமர்சித்ததில் ஜெயலலிதாவின் மேல் கூட்டணிக்கு கடும் அதிருப்தி ஏற்பட்டது. இப்படித் தொடர்ந்து சறுக்கிக் கொண்டே வந்த மூன்றாம் அணிக்கு நேற்று மீண்டும் ஒரு அதிர்ச்சியை அளித்துள்ளார் செல்வி. ‍ஜெயலலிதா அவர்கள். தாங்கள் கூட்டணியில் இருக்கிறோமா என்பதுக் குறித்தே கேள்வி எழுப்பியுள்ள அவர், அணு ஆயுத விவகாரத்தில் சமாஜ்வா‍டித் தலைவர்களில் ஒருவரான அமர்சிங்கின் கடுமையாக விமர்ச்சித்துள்ளார். அதோடு, தெலுங்கு தேசம் கட்சியையும் அவர் விமர்சித்துள்ளார். எனவே, இது அதிமுக மூன்றாவது அணியில் இருந்து அனேகமாக விலகிவிட்டதாகவே காட்டுகிறது.

மூன்றாவது அணி மூன்று மாதங்கள் கூட நிலைக்கவில்லை. இந்திய அரசியல் மேடையில் ஜோக்கர்களாகவே மூன்றாவது அணியை துவக்கத்திலேயே அரசியல் நோக்கர்கள் குறிப்பிட்டது நினைவுகூறத் தக்கது.

மதங்களைக் கடந்த மானுடம்

2007-09-05T20:56:00.000+05:30

அந்த சிறிய திருவுருவம், இந்திய சாயலில் சேரிகளுக்குள்ளும், குடிசைகளுக்குள்ளும் தன்னலம் கருதாது சேவை செய்தது. எத்தனை உயரிய விருது வந்தாலும் அத்தனையையும் இறைவனுக்கே அர்ப்பணித்துவிட்டு "மக்கள் தொண்டே மகேசன் தொண்டு" என்று சேவையாற்றிச் சென்றது. மதங்களை மறந்து மானிடமே பெரிது என்று செய்த அந்த தூய ஆன்மா இந்தப் பூவுலகை விட்டு மறைந்து 10 ஆண்டுகள் ஆகிவிட்டது என்றால் வியப்பாக உள்ளது.

இன்னும் நம்மோடு வாழ்ந்து கொண்டிருப்பதாகவேத் தோன்றும் அந்த ஆன்மா, இன்னும் திக்கற்றவர்களுக்கு செய்யப்படும் சேவையிலும், ஆதரவற்றவர்களுக்கும் ஆதரவாகவும் வாழ்ந்து வருகிறது.

நாடு கடந்து வந்தாலும், நன்மையை மட்டுமே குறியாக வைத்துக் கருணையை மட்டுமே முதலீடாகக் கொண்டு காணும் இட‍மெங்கும் கனிவை விதைத்துவிட்டுச் சென்றுள்ளது.

யுகங்களுக்கு ஒருமுறை வரும் சக்தி அவதாரங்களில் இந்த ஆன்மாவும் ஒன்று. இந்த ஆன்மாவுக்கு என்றும் நாம் நன்றிக்கடன் பட்டுள்ளோம். அந்த ஆன்மா, அன்னைத் தெரசா!!!!

நம்பிக்கை இழக்கிறது நீதித்துறை... நீதிபதிகள் கவலை!

2007-09-05T20:25:00.000+05:30

நீதி மன்றங்களில் பல கோடி வழக்குகள் தேங்கியிருப்பதுக் குறித்து உச்ச நீதிமன்ற நீதிபதிகள் கவலை தெரிவித்துள்ளனர்.

ஐம்பது ஆண்டுகளாக நடந்துவந்த ஒரு வழக்கின் தீர்ப்பை இன்று உச்சநீதிமன்ற நீதிபதிகள் திரு. ஏ.கே.மாத்தூர் மற்றும் மார்கண்டேய கட்ஜூ ஆகியோர் அறிவித்தனர். அவர்கள் அந்தத் தீர்ப்பினை அறிவிப்பதற்கு முன்னால் நாட்டில் தேங்கிக் கிடக்கும் பலகோடி வழக்குகள் குறித்து கடும் அதிருப்தியை வெளியிட்டனர். தீர்ப்பிலேயே தங்கள் கோபத்தை வெளியிடுவதாகவும் குறிப்பிட்டனர். அதோடு நிலுவையிலுள்ள வழக்குகளுக்கு இந்த வழக்கே ஒரு சிறந்த உதாரணம் என்றும் ‍‍தெரிவித்துள்ளனர். இதனால் மக்களுக்கு நீதித்துறை மீது நம்பிக்கை சிறிது சிறிதாகக் குறைந்து வருகிறது என்றும் அந்த நம்பிக்கையைத் தக்க வைத்துக் கொள்ள வேண்டுமானால், நிலுவையிலுள்ள வழக்குகளை விரைந்து விசாரித்துத் தீர்ப்பு வழங்கவேண்டும் என்றும் அவர்கள் தெரிவித்துள்ளனர்.

நான் மற்று‍மொரு உதாரணத்தை இங்கே குறிப்பிட விரும்புகிறேன். முன்னாள் முதல்வர் செல்வி ஜெயலலிதா அவர்கள் மீதான ஊழல் குற்றச்சாட்டுகளுக்கான வழக்கு. முதல்முறை ஆட்சியை இழந்தவுடன் ஆரம்பிக்கப்பட்ட வழக்கு அனேகமாக இன்னும் அதே கட்டத்திலேயே இருப்பதாகவேத் தோன்றுகிறது.

தமிழகத்தில் விசாரித்தால் நியாயமாக இருக்காது என்று கர்நாடகத்துக்கு மாற்றிய பிறகும் அதில் எந்தவித மாற்றமும் இல்லை. செல்வி ஜெயலலிலதா அவர்கள் தவறு செய்துள்ளாரா இல்லையா என்பது அப்பாற்பட்ட விஷயம். ஆனால் அந்த வழக்குகள் இழுத்தடிக்கப்படுவது ..மக்களுக்கு நீதித்துறை மீது நம்பிக்கையைக் குறைத்துவருகிறது என்பது உண்மையே.

நீதித் துறை எவ்வாறு செயல்படுகிறது என்பதை நீதிபதிகளே விமர்சிக்கும் அளவுக்கு கொண்டு வந்தது வேதனையான விஷயமே...!

தலைக்கவசமா? தலைவலியா?!!

2007-09-05T19:24:00.000+05:30

தமிழ்நாட்டில் இருசக்கர வாகன ஓட்டிகள் கட்டாயம் தலைக்கவசம் அணியவேண்டும் என்ற சட்டம் ‍ கொண்டு வந்தபிறகு வாகன ஓட்டிகளுக்கு அது தலைக்கவசமா? தலைவலிக்கவசமா? என்று பட்டிமன்றம் நடத்தும் அளவுக்கு பிரச்சினைகள் தலை தூக்கி உள்ளன.

இந்தச் சட்டம் அமல்படுத்தப்பட்டப் பிறகு சிறிது காலம் காற்றில் பறக்கவிட்டது. உச்சநீதிமன்றம் சட்டத்தை உறுதி செய்தது முதல் அது முறையாக கண்காணிக்கப்படுகிறதா என்றால், இல்‍லை. அது முறைகேடாகவே கண்காணிக்கப்படுகிறது என்று சொல்லலாம். இது போக்குவரத்துக் காவல்துறையினரின் மாமூல் வாழ்க்கைக்கு மிகவும் உறுதுணையாக இருக்கிறது என்றால் மிகையாகாது.

இன்று மதியம் நந்தனம் சந்திப்பில் சிக்னலுக்காக காத்திருந்தேன். அப்போது ஒரு பக்கத்தில் இருந்து வந்த தலைக்கவசம் அணியாத சில வாகன ஓட்டிகளை மட்டும் நிறுத்தி அவர்களிடம் அபராதம் வசூலித்துக் கொண்டிருந்தனர் போக்குவரத்துக் காவல்துறையினர். ஆனால் மறுபக்கம், அனேகம் பேர் தலைக்கவசம் இல்லாமல் தான் சிக்னலுக்காகக் காத்துக் கொண்டிருந்தனர். அவர்களைப் பற்றி இவர்கள் கவலைப்பட்டதாகவோ அவர்கள் மீது நடவடிக்கை எடுக்க வேண்டும் என்ற எண்ணம் இருந்ததாகவோத் தெரியவில்லை. இத்தனைக்கும் ஒரு போக்குவரத்துக் காவலர் சாலையின் ஒரு முனையில் தலைக்கவசம் இல்லாத ஒரு வாகனஓட்டியின் அருகில் தான் நின்று கொண்டிருந்தார். 10 - 15 பேர்களுக்கு அபராதம் விதித்துவிட்டு சவாகசமாக ஒதுங்கிக் கொண்டனர் போக்குவரத்துக் காவல்துறையினர்.

தலைக்கவசம் அணிவது என்பது மிகவும் முக்கியமான ஒன்று. தற்செயலாக நடக்கும் விபத்துக்களில் மரணம் நிகழ்வதற்கு அதிக வாய்ப்புள்ளது தலையில் ஏற்படும் காயங்களால் தான். அதை தவிர்க்க வேண்டுமானால், வெளியில் செல்லும் கணவரோ, மனைவியோ, மகனோ, மகளோ யாராக இருந்தாலும் வீடு வந்து சேருவதில் சிறிது தாமதம் ஏற்பட்டாலே வீட்டில் இருப்பவர்களுக்குப் பதற்றம் தொற்றிக்கொள்ளும். எனவே, தலைக்கவசம் நம்முடைய உயிரையும் காப்பதோடு, குடும்பத்தினரின் நம்பிக்கைக்கு ஒரு உத்திராவதம் அளிக்கிறது என்றால் அது உண்மை தான். இதை உணராது தலைக்கவசம் அணியாது இருப்பவர்கள் இனியாவது சட்டத்திற்குட்பட்டு தலைக்கவசம் அணிய வேண்டும்.

அதே சமயம், தலைக்கவசம் அணியாதவர்களை போக்குவரத்துக் காவல்துறையினர் கூடுமானவரை எச்சரிக்கை செய்து அனுப்பலாம். அல்லது அவர்களுடைய வாகனத்தில் அல்லது உரிமத்தில் ஒரு அடையாளக் குறியீடு வைக்கலாம். மூன்று முறைக்கு மேல் தொடர்ச்சியாக தலைக்கவசம் அணியாதவர்களுக்கு ஒரு நல்லத் தரமுள்ள தலைக்கவசத்தின் விலையை அபராதமாக விதிக்கலாம். அதைவிட்டு விட்டு இந்த சட்டத்தைத் தங்களின் வருமானத்துக்கு சாதகமாகப் பயன்படுத்திக் கொள்வது அவர்களின் துறை மீதான நம்பகத்தன்மையை மேலும் இழக்கச் செய்கிறது.

தலைக்கவசம் தலைக்கவசமாக இருக்கவேண்டியதும், தலைவலியாக மாறாமல் இருக்கவேண்டியது வாகனஓட்டிகள் மற்றும் போக்குவரத்துத் துறையினர் கையில் தான் உள்ளது.

போக்குவரத்துத் துறையினரின் போக்கு மாறுமா?

சென்னைக்குள் தீவிரவாதிகள்?!!

2007-09-04T06:08:00.000+05:30

வடமாநிலங்களில் மட்டுமே குறிவைத்தத் தீவிரவாதிகளின் பார்வை தற்போது தென்னிந்தியாவின் மீது திரும்பியிருப்பதாகத் தெரிகிறது. இந்தத் தகவல்களை உறுதிப்படுத்தும் விதமாக, மத்திய உளவுத்துறை தமிழகக் காவல்துறைக்கு எச்சரிக்கை அனுப்பியுள்ளது. அதில் சென்னையைத் தீவிரவாதிகள் தாக்கக்கூடும் என்று எச்சரித்திருப்பதாகத் தெரிகிறது.

மத்திய உளவுத்துறையின் கூற்றுப்படி தீவிரவாதிகளின் பார்வை சென்னையில் திருவல்லிக்கேணிப் பார்த்தசாரதி கோவில், திருமயிலை கபாலீசுவரர்கோவில், சாந்தோம் தேவாலயம், தி நகர் பாண்டிபஜார் ஆகிய இடங்களில் பதிந்ததுள்ளதாக அஞ்சப்படுகிறது.

காவல்துறைத் தலைவர் கூறுகையில், தென்மாநிலங்களுக்கு எச்சரிக்கை வந்துள்ளது உண்மைதான் என்றாலும் குறிப்பிட்டு எந்தவொரு எச்சரிக்கையும் சென்னைக்கு என்று வரவில்லை என்றும், இருந்தாலும் காவல்துறை மிகவும் கூர்ந்து கவனிக்கும் என்றும் தெரிவித்தார்.

அமைதிப்பூங்கா என அழைக்கப்பட்டுவரும் தமிழகம் அமைதியை இழக்காமல் இருப்பது நமது கையில் தான் உள்ளது. எந்த தருணத்திலும் எந்த ஒரு பிரச்சினைக்கும் தீவிரவாதம் ஒரு தீர்வாக இருக்கமுடியாது. சென்னையைப் பொறுத்தவரை மக்கள் தொகை அதிகம் அதோடு கூட்ட நெரிசலும் அதிகம். எனவே, மக்கள் காவல்துறையினரின் பாதுகாப்போடு தங்களைத் தாங்களே பாதுகாப்பாக வைத்துக் கொள்வதன் மூலம் தீவிரவாத செயல்கள் இங்கே அரங்கேறாமல் தடுக்கலாம். கூடுமானவரை முன்பின் அறியாத நபர்களுக்கு வீடு வாடகைக்குக் கொடுப்பதைத் தவிர்க்க வேண்டும். பழைய வாகனங்களை விற்கும் பயனாளர்கள், முகவர்கள் வாகனங்களை வாங்குவோரின் முழுமையான விவரங்களைப் பெற்ற பின்னரே விற்க வேண்டும். வாகனங்களை நிறுத்திவிட்டுச் செல்லும் போது சரியாக பூட்டப்பட்டுள்ளனவா என்பதைப் பார்க்க வேண்டும். பொது இடங்களில் சந்தேகப்படும்படியானப் பொருட்கள் இருந்தால் உடனே காவல்துறைக்கு தகவல் அளிக்க வேண்டும். சந்தேகப்படும்படியான ஆட்கள் நடமாட்டத்தைக் குறித்தும் காவல்துறைக்கு தகவல் தெரிவிக்க வேண்டும். முக அறிய நபர்கள் கொடுக்கும் பொருட்களை வாங்கக்கூடாது. தேவையற்ற வகையில் கூட்டம் கூடவதையும் தவிர்க்க வேண்டும். நாம் காவல்துறைக்கு அளிக்கும் ஒத்துழைப்பு நாம் நமக்கு அளித்துக் கொள்ளும் பாதுகாப்பு.

பறிபோனது அரண்மனை...

2007-09-04T05:51:00.000+05:30

இந்தியாவின் அண்டை நாடான நேபாளத்தில் அதிரடி நிகழ்ச்சிகள் நடந்தேறிக் கொண்‍டிருக்கின்றன. அந்நாட்டின் மன்னர் பிரேந்திராவும் அவர் மனைவியும் அவரது மகனாலேயே சுட்டுக் கொல்லப்பட்டு 7 ஆண்டுகள் ஆகிவிட்டன. அவருக்குப் பிறகு மன்னராகப் பொறுப்பேற்றுக் கொண்ட மன்னர் பிரேந்திராவின் சகோரர் ஞானேந்திராவல் அத்தனைத் திறமையாக ஆட்சி நடத்தமுடியவில்லை. மன்னர் பிரேந்திராவை கொலை செய்யப்பட்டது, ஞானேந்திராவின் சதியாக இருக்கலாம் என்று ஒரு புறம் பேசப்பட்டு வந்தது. இத்தகை சூழ்நிலையில் புரட்சி வெடித்தது. புரட்சியின் உக்கிரம் தாங்க முடியாமல் மன்னர் ஞானேந்திரா ஆட்சிப் பொறுப்பை ஜனநாயக முறைப்படி பிரதமரிடம் ஒப்படைத்தார். அதன் பிறகு மன்னருக்குரிய அதிகாரங்கள் அனைத்தும் பறிக்கப்பட்டன. இவ்வாறு மன்னர் வெறும் பொம்மை மன்னராக ஆக்கப்பட்டார்.

இந்நிலையில், மன்னர் வசித்து வந்த அரண்மனை மற்றும் சொத்துக்கள் அரசு‍டைமை ஆக்கப்பட்டன. மன்னர் அரண்மனையை காலி செய்துவிட்டு, காத்மாண்டுவின் வனப்பகுதியில் தனக்கு சொந்தமான ஒரு மாளிகைக்கு குடியேறிவிட்டார். அவர் காத்மாண்டு அரண்மனையான "நாராயண ஹிட்டி"யை விட்டு வெளியேறியதால், அவருக்கு அளிக்கப்பட்டு வந்த சிறப்புப் பாதுகாப்பு விலக்கிக் கொள்ளப்பட்டுவிட்டது.
ஜனநாயகம் மலர்ந்துள்ள நேபாளத்தில் எல்லோரும் அன்னாட்டு மன்னராக மதிக்கப்படுவார்களா?... காலந்தான் பதில் சொல்லவேண்டும்.

அரையிறுதியில் நுழைந்தது இந்தியா

2007-09-04T05:35:00.000+05:30

ஆசிய கோப்பைக்கான அரையிறுதிப் போட்டியில் நுழைந்தது இந்தியா அணி...
ஆசியக் கோப்பைக்கான ஹாக்கி போட்டிகள் தற்போது நடைபெற்று வருகின்றன. சென்னையில் நடைபெறும் இப்போட்டிகளில் நடப்பு சாம்பியனான இந்தியாவுடன், பாகிஸ்தான், சீனா, தென்‍கொரியா, மலேசியா உட்பட 11 நாடுகள் பங்கேற்கின்றன. நேற்று நடந்த "பி பிரிவு" அரையிறுதி தகுதிச் சுற்றில் இந்திய அணி தென்கொரியாவை வீழ்த்தி அரையிறுதிக்கு தகுதி பெற்றுள்ளது.

சிவேந்திர சிங், இக்னேஷ் திர்கே, பிரப்ஜோத் சிங் ஆகியோரின் அபார ஆட்டம் இந்தியாவின் வெற்றி வாய்ப்புக்கு வழி வகுத்தது. முதல் சுற்றில் சுறுசுறுப்பாக ஆடிய, இரண்டாவது சுற்றில் இந்திய வீரர்களின் சிறப்பான தடுத்தாடுதலால் ஈடுகொடுக்க முடியாமல் திணறினர். இப்போட்டியின் ஆட்டநாயகனாக இக்னேஷ் திர்கே அறிவிக்கப்பட்டார்.

நமது தேசிய விளையாட்டான ஹாக்கிப் போட்டியில் நமது வீரர்கள் சிறப்பாக விளையாடுவது நமக்குப் பெருமையே. இனியாவது, இந்திய மக்களும், இந்திய அரசும் நமது தேசிய விளையாட்டுக்கும், வீரர்களுக்கும முக்கியம் கொடுத்தால் நன்றாக இருக்கும்.

கசக்கிறது கிராமப்புற சேவை!!!

2007-09-03T22:27:00.001+05:30

மகாத்மா காந்தியடிகள் கிராமங்களை நாட்‍டின் முதுகெலும்பு என்றார்... அந்தக் கிராமப்புறத்தில் சேவை செய்வதற்கு மறுப்பு தெரிவித்து இன்று பயிற்சி மருத்துவர்கள் மற்றும் மருத்துவர்கள் போராட்டத்தில் குதித்துள்ளனர்..

மத்திய சுகாதார அமைச்சர் திரு. அன்புமணி இராமதாஸ், ஒரு அறிக்கையை வெளியிட்டிருந்தார்கள். இதன்படி மருத்துவப்படிப்பு முடிக்கும் மாணவர்கள் கட்டாயம் ஓராண்டு கிராமப்புறப் பகுதிகளில் பணியாற்ற வேண்டும் என்றும் கூறியிருந்தார்கள். இதற்கு நம் உயிரை காக்கும் (?!!) மருத்துவர்கள் கடும் எதிர்ப்புத் தெரிவித்துள்ளனர். தங்களுக்கு அரசாங்க பணிக் கொடுத்தால் கிராமப்புறப் பகுதிகளில் பணியாற்றத் தயார் என்று சொல்கிறார்கள்.

ஏன் அரசாங்க வேலை இல்லை என்றால் நீங்கள் செய்யும் மருத்துவம் பலனளிக்காதா? அல்லது உங்களுக்கு மருத்துவமே வராதா? அல்லது கிராமப்புறங்களில் வசிப்பவர்கள் எல்லாம் மருத்துவம் செய்து கொள்ளத் தகுதியற்றவர்களா?

உண்மையில், உங்களுக்கு உங்கள் மேல் நம்பிக்கை இல்லை. அது தான் இத்தகைய போராட்டம். தன் மேல் நம்பிக்கை வைக்கும் யாரும் என்ன வேலை என்று தான் பார்ப்பார்களேத் தவிர எங்கே வேலை என்றுப் பார்க்க மாட்டார்கள்.

அரசு மருத்துவமனைக் கட்டிக் கொடுத்தாலும், அதில் உங்களை நியமித்தாலும் எத்தனை மருத்துவர்கள் ஒழுங்காகப் பணியாற்றுகிறார்கள். மருத்துவமனைக்கு அடுத்தத் தெருவிலேயே தனியாக ஒரு மருத்துவமனையைத் தொடங்கி அங்கே வரச் சொல்லி வற்புறுத்துகிறார்கள்.

சேவை செய்ய வேண்டும் என்ற மருத்துவர்கள் எங்கேயும் சேவை செய்வார்கள். இப்போது மருத்துவம் படிக்க வரும் யாரும் இலட்சியத்துக்காக மருத்துவம் படிப்பதில்லை. எந்த நாட்டிற்கு வேலைக்குப் போகலாம். எங்கே எவ்வளவு சம்பளம் கிடைக்கும் என்பதைத் தான் பார்க்கிறார்கள். அத்தகைய மருத்துவர்கள் ஒரு ஆண்டு கிராமப்புறத்தில் மருத்துவ சேவையாற்றுவதனால், எந்த வகையிலும் குறைந்து போக மாட்டார்கள.

இன்றும் தூய மனோபாவத்தோடு சேவையாற்றும் மகான்கள் மருத்துவத்துறையில் இருக்கிறார்கள். ஆனால் அவர்கள் மிகவும் சொற்ப அளவிலேயே இருக்கிறார்கள். அவர்களின் எண்ணிக்கை போதாது. நகர்புறங்களில் சேவையாற்றினால் உங்களுக்கு பணம் தான் கிடைக்கும். கிராமப்புறங்களில் நீங்கள ஆற்றும் உண்மையான சேவைக்கு என்றுமே மதிப்பு அதிகம். அவர்களுக்கு நீங்கள் காவல் தெய்வம் .

உங்களின் மனோபாவம் மாறவேண்டும் என்பது என் தாழ்மையான வேண்டுகோள். நீங்கள் ஒரு நைட்டிங்கேலாக இருக்கவேண்டியதில்லை. நீங்கள் ஒரு அன்னைத் தெரசாவாக இருக்கவேண்டியதில்லை. குறைந்தபட்சம் மனிதாபிமானத்துடன் இருங்கள். உங்கள் பிடிவாதத்தை விட்டு நாட்டிற்காக உண்மையான தொண்டாற்ற வாருங்கள்.

நீங்கள் செய்யும் சேவை மருத்துவம் மட்டுமில்லை மக்களுக்கு அளிக்கும் ஊக்கம். அறியாமையில் மூழ்கிக்கிடக்கும் கிராமங்களுக்கு உங்களின் சேவை ஊக்கமும் ஆக்கமும் அளிக்கமுடியும்.

உங்கள் வாதத்தை மாற்றி, திறந்த மனதோடு ‍தொண்டாற்ற வாருங்கள்.

அய்யனாருக்கு ஆயிரம் புரவி

2007-09-02T20:32:00.000+05:30

தமிழக கிராமங்களின் காவல் தெய்வங்கள் அய்யனாரும், கருப்பசாமியும் தான். அய்யனார் கோவில்கள் தென் தமிழ் நாட்டில் மிகவும் பிரசித்தம். அத்தகைய பிரசித்திப் பெற்ற அய்யனாருக்கு எடுக்கும் விழாக்கள் வித்தியாசமாக இருக்கும். அய்யனாரை வேண்டிக் கொண்டு, நேர்த்திக்கடனாக சுடுமண் குதிரைப் பொம்மைகளை கோவிலில் வைப்பது மிகவும் அழகான ஆனால் வித்தியாசமான விழாவாகும்.

அத்தகைய பிரசித்திப் பெற்ற அய்யனார் கோவில் சிவகங்கை மாவட்டம் மேலப்பூங்குடியில் உள்ளது. இங்குள்ள அய்யனாருக்கு வேண்டிக் கொண்டு ஆயிரம் புரவிகளை ஊர்வலமாக எடுத்துவந்து வைத்து வழிப்பட்டனர், மேலப்பூங்குடி மக்கள். ஆயிரம் புரவிகளும் வரிசையாக எடுத்து வரப்பட்டது, கண் கொள்ளாக் காட்சியாக இருந்தது. வண்ணமயாமான புரவிகள், மாலைகள் அணிவிக்கப்பட்டு பல வண்ணக்குடைகள் தாங்கி புரவிகள் அசைந்து வந்தது கண்கொள்ளாக் காட்சியாக இருந்தது. அதோடு அத்தனை புரவிகளையும் ஒரு சேரப் பார்க்க வியப்பாகவும் இருந்தது.

இது போன்ற கிராமீய மணம் வீசும் விழாக்கள் நம்மை பழைய இனிமைக்கு திரும்ப வைக்கின்றன என்று சொன்னால் மிகை ஆகாது.

‍யோகாவுக்குத் தடை

2007-09-02T16:36:00.001+05:30

இந்தியாவின் பாரம்பரிய சிறப்புகளில் யோகக் கலை மிகவும் முக்கியமானது. இது மனித இனித்திற்கே ஒரு வரப்பிரசாதமாகக் கருதப்படுகிறது. இந்த அரும் கலையை மதத்தின் பெயரால் இங்கிலாந்தில் தடை செய்துள்ளன இரண்டு தேவாலயங்கள். அவை யோகக் கலையை இந்து மற்றும் புத்த மதத்தினுடையது என்றும் கிறிஸ்தவ மதத்திற்கு எதிரானது என்றும் தெரிவித்துள்ளனர். அது மட்டுமல்லாமல், அது பொய்யானது என்றும் தெரிவித்துள்ளனர்.

செயின்ட் ஜேம்ஸ் தேவாலயத்தின் பூசாரி ரெவ். டிம் ஜோன்ஸ் " மாற்றுத் தத்துவங்கள், மற்றும் நம்பிக்கைகள் பொய்யானவையைப் பரப்புகின்றன. செயின்ட் ஜேம்ஸ் தேவாலயத்தில் உண்மையானவையே நாங்கள் விரும்புகின்றோம். அதோடு அது இந்து மற்றும் பெளத்த மதங்களின் வேர்களில் வந்தது, அது மனிதனை மனிதன் அல்லாத ஒரு சக்தியைக் கொண்டு அமைதியடையச் செய்கிறது , அதனால் அது கிறிஸ்தவ மதத்திற்கு எதிரானது" என்று குற்றஞ்சாட்டியுள்ளார்.

அதோடு அந்த தத்துவம் பொய்யானது என்றும் அதை கிறிஸ்தவர்களாகிய தாங்கள் ஏற்றுக் கொள்ள வில்லை என்றும் அவர் தெரிவித்துள்ளார். யோகா உடலையும் மனதினையும் மனித தொழில்நுட்பங்கள் மூலமாக முழுமையடைச் செய்யமுடியும் என்ற நம்பிக்கையை ஊக்குவிக்கிறது, ஆனால் அதற்கான ஒரே இயேசு கிறிஸ்து மூலமாக கடவுளிடம் நம்பிக்கை வைப்பது தான் என்றும் அவர் தெரிவித்துள்ளார்.

இது யோகக் கலையைக் கற்பிப்பவர்கள் மற்றும் அதை பயிற்சி செய்பவர்கள் மத்தியில் கடும் அதிருப்தியை ஏற்படுத்தியுள்ளது. இதில் கிறிஸ்தவ தேவாலயங்களும் அடங்கும். யோகக் கலைக்கும் மதத்திற்கும் எந்தவித சம்பந்தமும் இல்லை என்று பாபா இராமதேவ் தெரிவித்துள்ளார்.
டெல்லி கத்தோலிக்க தேவாலயத்தின் பேச்சாளர் இம்மானுவேல் டோமினிக் இந்த நடவ‍டிக்கை முட்டாள் தனமானது என்றும் யோகக் கலையைப் பற்றி போதுமான அறிவில்லாதவர்களின் கூற்று என்றும் தெரிவித்துள்ளார்.

யோகா தடை செய்யப்பட்டத் தேவாலயங்களில் சாதாரண உடற்பயிற்சியும் தடை செய்யப்பட்டுள்ளது. அவர்கள் அதை யோகாவின் வடிவம் என்று கூறியுள்ளனர்.

அரண்டவன் கண்ணுக்கு இருண்ட தெல்லாம் பேய் என்பது மீண்டும் நிரூபிக்கப்பட்டுள்ளது.

சிங்களத் தீவினுக்கோர் ரயில் விடுவோம்...

2007-09-02T07:31:00.000+05:30

சார்க் நாடுகளின் போக்குவரத்துத் துறை அமைச்சர்கள் மாநாடு புது டெல்லியில் நடந்தது. இந்த மாநாட்டில் சார்க் நாடுகளுக்கிடைய போக்குவரத்தை மேம்படுத்துவதற்கான வாய்ப்புகள் குறித்து ஆராயப்பட்டன. இந்த மாநாட்டில் பல்வேறு புதியத் திட்டங்கள் முன் மொழியப்பட்டன. நேபாளம், பூடான், மற்றும் இலங்கைக்கு இந்தியாவிலிருந்து புதிய ரயில் திட்டங்கள் முன் மொழியப்பட்டன. இதில் மிகவும் குறிப்பிடத்தக்க ஒன்று இலங்கைத் தலைநகர் கொழும்புவிற்கான இரயில் திட்டம் தான். சென்னையிலிருந்து இலங்கைத் தலைநகா கொழும்புவிற்கு இந்தத் திட்டம் முன்மொழியப்பட்டுள்ளது.

இது தவிர திரிபுராவின் அகர்தலாவில் இருந்து வங்காளதேசத்தின் சிட்டகாங்கிற்கும் மற்றும் நேபாளத்தின் பிர்கன்ஜிலிருந்து பீகாரின் கட்டிஹருக்கும் தரைவழியான இணைப்பை ஏற்படுத்துவதற்கும், டெல்லி - இஸ்லாமாபாத் இடையே புதிய வான்வழி சே‍வையை துவங்குவது குறித்தும் விவாதிக்கப்பட்டன.

உலக வங்கியின் உதவியோடு நடைபெறும் பன்வழி போக்குவரத்து ஆய்வுக் குறித்தும் விவாதிக்கப்பட்டு அதை ஆப்கானிஸ்தானுக்கு விரிவாக்க பரிந்துரைக்கப்பட்டது.

"சிங்களத் தீவினுக்கோர் பாலம் அமைப்போம்" என்றார் பாரதி, அதை கொஞ்சம் நவீனப்படுத்தி இரயில் விடுவோம் என்கிறார்கள்... இரயில் விடுகிறார்களா ?!!என்பதைப் பார்ப்போம்....

சல்மான்கான் தியாகியா?!!

2007-09-02T00:30:00.000+05:30

ஜோத்பூர் நீதிமன்றம் இந்தி நடிகர் சல்மான் கானுக்கு மான் வேட்டையாடிய வழக்கில் சிறைத் தண்டனை வழங்கியது. அதற்காக அவர் சிறையில் அடைக்கப்பட்டது தெரிந்ததே. ஆனால், அதை தனியார் தொலைக்காட்சிகள் பெரிதுபடுத்தி அந்த நடிகரை ஏதோ ஒரு தியாகி அளவுக்கு காண்பித்தது சற்றும் ஏற்குமாறு இல்லை. அவர் ஜாமினில் வருவது நேரடியாகப் படம் பிடித்துக் காண்பித்தது சற்று நெருடலாகவே இருந்தது. இந்தத் தொலைக்காட்சிகள் இது போன்று செய்வது அவர் செய்தக் குறத்தை நியாயப்படுத்துவதாக ஆகாதா? பொது வாழ்வில் இருக்கும் இது போன்ற நடிகர்கள் மக்களுக்கு முன் உதாரணமாக இருக்க வேண்டுமேத் தவிர மக்களைத் தவறானப் பாதைக்கு திசைத் திருப்புபவர்களாக இருக்கக்கூடாது. அத்தகையத் தவறு செய்தவர்களை ஊடகங்கள் பெரிதுபடுத்திக் காண்பிப்பதால் தவறை அவர்கள் அங்கீகரிப்பதாகவேப்படுகிறது. இது சல்மான்கான் மட்டுமல்ல, சஞ்சய் தத் போன்றவர்களுக்கும் பொருந்தும்.

இனியாவது இத்தகைய தவறுகளை தனியார் தொலைக்காட்சிகள் திருத்திக் கொள்ளுமா?

கோயம்பேடு பேருந்து நிலையம் மாற்றம்?!!

2007-09-02T00:08:00.000+05:30

சென்னையில் நடந்த மாநகர வளர்ச்சிக் குழுமக் கூட்டத்தில் மாநகரத்தில் போக்குவரத்து நெரிசலைக் குறைப்பது குறித்து விவாதம் நடைபெற்றது. அந்தக்கூட்டத்தில் மாநகருக்குள் போக்குவரத்து நெரிசலைக் கட்டுப்படுத்த தற்போதிருக்கும் கோயம்பேடு பேருந்து நிலையத்தை மூன்றாகப் பிரித்து தாம்பரம் திருவான்மியூர், பூவிருந்தவல்லி ஆகிய இடங்களில் அமைக்கவேண்டும் என்று ஆலோசனைக் கூறப்பட்டது.

உண்மையில் இந்தத் திட்டம் பிரச்சினைக்கு வழிவகுக்குமா என்றால் கிடையாது என்றே சொல்லவேண்டும். இது மேலும் சிக்கலையே உருவாக்கும். ஒருங்கிணைந்தப் பேருந்து நிலையமாக இருப்பதால் மக்களுக்கு இது மிகவும் வசதியான ஒன்றாக இருக்கிறது. இதை 3 ஆகப் பிரிப்பதன் மூலம் மக்களுக்கு சிரமங்கள் அதிகமாகும்.

இதற்கு பதிலாக, புறவழிச்சாலை வழியாக சென்னை மாநகருக்குள் வெளியூர் பேருந்துகள் வந்து செல்ல ஆவண செய்யப்பட்டால் மாநகரத்திற்குள் வெளியூர் பேருந்துகள் வருவது தவிர்க்கப்படும். வேறு ஊர்களுக்கு மாறி செல்லவேண்டிய மக்களுக்கும் அனைத்து பேருந்துகளும் ஒரே இடத்தில் வந்து செல்வதால் குழப்பங்கள் சிரமங்கள் தவிர்க்கப்படும்.

தனியார் பேருந்து நிறுவனங்கள் வாங்கிய தடையை நீக்க ஆவணம் செய்து தனியார் பேருந்துகள் நகருக்குள் நுழைவதைக் கட்டுப்படுத்தினாலே பாதி நெரிசல் குறையும். தி.நகர் போன்ற வணிகப் பகுதிகளில் வாகன நிறுத்த வசதிகளை முறையாக ஏற்படுத்தினால் இன்னும் இந்தப் பிரச்சினைக்கு நல்லதொரு தீர்வு கிடைக்கும் . சாலைகள் சரியாகவும் முறையாகவும் ‍அவ்வப்போது செப்பனிட்டு பொதுப்பணித் துறைப் போன்றவர்கள் நெரிசல் நேரங்களில் தங்கள் வேலைகளை செய்வதைத் தவிர்த்தால் இன்னும் நல்லதொரு பயன்கிடைக்கும்.

இருக்கும் வசதிகளைக் கொண்டு மக்களுக்கு மேம்பட்ட சேவையை வழங்குவதைப் பற்றி சிந்திக்காமல் மக்கள் பணத்தை புதிய புதிய திட்டங்களில் வீணடிப்பது எந்த வகையிலும் நியாயம் அல்ல. புரிந்து கொள்ளுமா இந்த அரசு.. தப்பிக்குமா கோயம்பேடு ஒருங்கிணைந்த பேருந்து நிலையம்....

திருச்செந்தூர் ஆவணித் திருவிழாத் துவங்கியது...

2007-09-01T23:48:00.000+05:30

தமிழ்க் கடவுள் முருகனுக்கு ஆவணித் திருவிழா

அலையாடும் திருச்செந்தூர் பார்க்கையில் மனம் அலையா‍டிடுதே... என்று பக்கதர்கள் மனம் குளிர வெற்றி வேண்‍டி வேலவனைத் தொழுவது திருச்செந்தூரில். அந்தத் திருச்செந்தூரில் தினம் ஒரு கொண்டாட்டம் இருந்தாலும் தைப்பூசம், பங்குனி உத்திரம், ஐப்பசி கந்த சஷ்‍டி மிகவும் விசேஷமானது. அதனுடன் ‍ஒரு கோலாகலத் திருவிழா நடப்பது ஆவணி மாதமாகும்.

அத்தகைய ஆவணித் திருவிழா நேற்று கொடியேற்றத்துடன் இனிதேத் துவங்கியது. இந்த பன்னிரண்டு நாள் ‍கொண்டாட்டங்களில் 7 மற்றும் 8ஆம் நாள் இறைவன் பல்வேறு மண்டகப்படிகளுக்காக நகரின் பல்வேறு பகுதிகளில் எழுந்தருளுவார்.

இதில் செம்பட்டு, வெண்பட்டு, மற்றும் பச்சைசாத்துப்படியுடன் உலா வருவது கண்கொள்ளாக் காட்சியாகும். வெற்றித்திருமகனாம் கந்தபெருமானை இந்த திருவிழா காலத்தில் சீரலைவாயில் தரிசிப்பது மிகவும் சிறப்பானதாகும்.

செந்தில் கடலலை ஆர்ப்பரிக்கிறதோ இல்லையோ பக்தர்களின் கூட்டம் கோவிலில் நிச்சயம் ஆர்ப்பரிக்கும்.

நான் பார்த்தத் திரைப்படம் - பள்ளிக்கூடம்

2007-09-01T21:55:00.000+05:30

யதார்த்தமான கதை - கிராமங்களில் ப‍டித்த ஒவ்வொருவரையும் கிராமங்களுக்கே திரும்பக்கூட்டிச் செல்லும் காவியமாக இருந்தது. தங்கர்பச்சானின் கதை என்றாலே ஒரு யாதார்த்தம் இருக்கும். அதை இதிலும் பார்க்கக் முடிந்தது.

பள்ளிக்கூடம் என்பது ஒருவரின் வாழக்கையில் எத்தனை முக்கியமானது என்பதை மிக அழகாக படம் பிடித்துச் சொல்லியிருக்கிறார் தங்கர். மீண்டும் பள்ளிப்பருவம் வாராதா என்ற ஒரு ஏக்கம் நம் மனதில் ஏற்படுகிறது. தங்கர் கடைசியில் வகுப்பறைக்குள் தனியாக உட்கார்ந்து ப‍ழைய நினைவுகளை அசைப் போடும் போது எனக்கு உண்மையில் என் ஆறாம் வகுப்பில் வந்த ஒரு தமிழாசிரியரை என் கண்முன் கொண்டு வந்து நிறுத்தியது.

கோவணம் கட்டிக் கொண்டிருக்கும் தந்தையிடம் மகன் "பள்ளிக்கூடத்துக்கு மட்டும் என்ன போவ சொல்லாத" என்று அழும் போதும் சரி. தந்தை "நான் தான் படிக்கலை நீயாவது படிப்பேன்னு பாத்தா... போச்சே என் வாழக்கையே போச்சே" என்று சொல்லும் போது ஒரு உண்மையான தந்தையின் ஏக்கம் பளிச்சிடுகிறது.

சினேகாவுக்கு மீண்டும் ஒரு நல்ல வாய்ப்பு சரியாக பயன்படுத்திக் கொண்‍டிருக்கிறார். இருந்தாலும் அத்தனைக் கதாபாத்திரங்களையும் காட்டவேண்‍டிய முனைப்பில் சினேகா சற்று மங்கிவிட்டார். அழகிக் கதாநாயகிக் குரலே சினேகாவுக்கும் கொடுத்திருந்தது அவ்வளுவுப் பொருந்தவில்லை. நரேன் மாவட்ட ஆட்சியராக சிறப்பாக செய்திருக்கிறார். கோபம் வெளிப்படும் இடங்களில் படபடப்பும் யாதார்த்தமும் அருமை.

சீமான் ஒரு இயக்குநராக நடிப்பதில் அவருக்கு சிரமமிருந்திருக்காது. ஆனால் தன் பங்கை சரியா செய்திருக்கிறார். ஷ்ரேயா ‍ரெட்டி முன் பாதியை விட பின் பாதியில் தனக்கும் நடிக்க வரும் என்பதை நன்றாக நிரூபித்திருக்கிறார்.

இவற்றை எல்லாவற்றையும் விட பழைய நினைவுகளை பகிர்ந்து கொள்ளும் போது அந்த வயதான முதியவர் அசடு வழிய தன் கனவுக் கன்னியின் கொலுசை எடுத்து வைத்துக் கொண்ட தன்னுடைய ஒரு தலைக் காதலை சொன்னபோதும், அவரின் கனவுக் கன்னி மேடையில் வந்து தான் தான் அவர் என்பதும் கொலுசை எடுத்து வைத்துக் ‍ கொண்டது தனக்கு தெரியும் என்ற போது அசடு வழிந்தது உண்மையில் யதார்தத்தின் உச்சம் என் றே சொல்லலாம்.

அந்த விழா நம் பள்ளியிலும் நடைபெறாத நாமும் நம் பழைய நண்பர்களை சந்திக்க மாட்டோமா என்கிற ஒரு ஏக்கம் படம் முடிந்தவுடன் வருகிறது.

தங்கர்பச்சானுக்கு "பள்ளிக்கூடம்" ஒரு தங்கப் பதக்கம்

கீதை மொழி

2007-09-01T11:19:00.000+05:30

கீதை சாரம்
நான் யாரையும் வெறுப்பதுமில்லை
யாருக்கும் பட்சாதாபம் பார்ப்பதுமில்லை
நான் எல்லோருக்கும் சமமானவனே; ஆனால்
எனக்கு பக்தி ‍தொண்டு ஆற்றுபவன்
எனது நண்பனாகிறான்;
அவன் என்னில் இருக்கிறான்
நான் அவனுக்கு நண்பனாகிறேன்.
- பகவான் ஸ்ரீ கிருஷ்ணர்

அனைத்திந்திய மக்கள் சமத்துவ கட்சி உதயம்

2007-08-31T19:51:00.001+05:30

மக்களைவிட மக்கள் கட்சிகளே அதிகமாக உள்ளதோ என்று தோன்றும் அளவுக்கு இன்று கட்சிகள் புற்றீசல் போல நாளுக்கு நாள் வளர்ந்து கொண்டே உள்ளன. நடிகர்களில் விஜய்காந்தைத் தொடர்ந்து சரத்குமார் இன்று தன்னுடைய அகில இந்திய மக்கள் சமுத்துவ கட்சியைத் துவங்கியுள்ளார். தங்கள் கட்சி தமிழக மக்களின் நலனுக்காகப் பாடுபடும் என்று அவர் தெரிவித்தார். இதன் முதல் மாநில மாநாடு மதுரையில் நடைபெறும் என்றும் அவர் அறிவித்தார்.

இந்த மக்கள் சமத்துவ கட்சி சமத்துவத்தைக் கடைப்பிடிக்குமா அல்லது காலப்போக்கில் மற்றக் கட்சிகளைப் போல பெரிய கட்சிக‍ளோடு சங்கமமாகிவிடுமா என்பதைப் பொறுத்திருந்துதான் பார்க்கவேண்டும்.

தற்காலிகமாக தப்பியது இராமர் பாலம்

2007-08-31T19:33:00.000+05:30

சேது சமுத்திரத் திட்டம் ஆரம்பித்த முதலே எதிர்ப்பும் ஆதரவும் மாறி மாறி வந்து கொண்டுதான் இருக்கின்றன. இலங்கையைக்கு செல்ல வானரப் படை உதவியுடன் கட்டப்பட்டதாகத் தெரிவிக்கப்பட்ட இராமர் பாலம் இதில் மிகுந்த சர்ச்சைக்குள்ளானது. சேது சமுத்திரம் கட்டப்பட்டால் இராமர் பாலம் இடிக்கப்படும் என்பதால், அதை இடிக்கக்கூடாது என்று இந்து மதத்தினர் மற்றும் இந்துத்துவத் தலைவர்கள் போர் கொடி உயர்த்தினர். அவை வெறும் மணல் திட்டுக்கள் தான், இராமர் கட்டவில்லை என்றும் அதை இடித்தே தீருவோம் என்று திமுகவினரும் மல்லுக் கட்டி நிற்கின்றனர். இந்தத் திட்டத்தில் மிகவும் தீவிர காட்‍டி வருபவர் மத்தியத் தரைவழி போக்குவரத்து மற்றும் துறைமுகங்கள் அமைச்சர் திரு. ‍டி.ஆர். பாலு அவர்கள் தான். கடந்த ஆட்சியில் சேது சமுத்திரத் திட்டத்தை நிறைவேற்றுவேன் என்றுக் கூறிவந்த அதிமுக பொதுச் செயலாளர் செல்வி. ஜெயலலிதா தற்போது முரணான நிலையைக் கொண்டுள்ளார். இவ்வாறு இருக்கையில், அதிர‍டி அரசியல்வாதி ஜனதா கட்சித் தலைவரும், மூத்த வழக்கறிஞருமான திரு. சுப்பிரமணிய சுவாமி உச்ச நீதிமன்றத்தில் சேது சமுத்திரத்தை இடிக்கத் தடை கோரி வழக்குத் ‍தொடர்ந்தார். இந்த வழக்கை விசாரித்த நீதிபதிகள் திரு. பி என் அகர்வால், மற்றும் பி என் நவோல்கர், ‍இராமர் பாலத்தை இடிக்க இடைக்காலத் தடை விதத்தனர். மத்திய அரசு செப்டம்பர் 14 அன்று பதில் மனு தாக்கல் செய்ய வேண்டும் என்றும் அவர்கள் உத்திரவிட்டனர்.

இராமர் பாலம் தப்பிக்குமா? பொறுத்திருந்து தான் பார்க்க வேண்டும்.

வடபழநி குடமுழுக்கு விழா

2007-08-31T06:20:00.000+05:30

கலியுக வரதனாம் கந்தப் பெருமானின் மிக முக்கிய திருக்கோவில்களில் ஒன்று சென்னை அருள்மிகு வடபழனி ஆண்டவர் திருக்கோவிலின் குடமுழுக்கு விழா நேற்று இனிதே நடந்தது. 12 ஆண்டுகளுக்குப் பிறகு நடந்த இந்த சிறப்பான விழாவில் பல்லாயிரக்கணக்கான பக்தர்கள் கலந்து கொண்டு குடமுழுக்கைக் கண்டு இன்புற்றனர். ராஜகோபுரம் மற்றும் 3 வாயில் கோபுரங்கள், கருவறைக் கோவில் கோபுரம் என அனைத்துக் கோபுரங்களிலும் இந்த நன்னீராட்டு சிறப்பாக நடந்தேறியது. குடமுழுக்கு நடந்தபோது, பக்தர்கள் பரவசம் பொங்க "வெற்றிவேல் முருகனுக்கு அரோகரா" என்று முழக்கம் விண்ணை எட்டும் அளவுக்கு இருந்தது என்றேக் கூறலாம். இந்த குடமுழுக்கு நன்னீர் அனைத்து பக்தர்களுக்கும் தெளிக்கப்படவேண்டும் என்ற வகையில் கோவில் நிர்வாகம் புதுமையான ஏற்பாட்டை செய்திருந்தது. இது அனைவராலும் மிகவும் வரவேற்கப்பட்ட ஒன்று. பக்தர்கள் தங்கள் பங்கிற்கு சுண்டல் மற்றும் பண்டங்களை கொண்டு வந்து வினியோகம் செய்தனர். சில நிறுவனங்கள் கந்த சஷ்‍டிக் கவசம் போன்ற புத்தகங்களை இலவசமாக வழங்கின. முருக பக்தர்களுக்கு இது ஒரு ஆனந்தமான நாளென்றேக் கூறலாம்.

தைலாபுரத்துக்கு திறக்குமா போயஸ் தோட்டம்

2007-08-31T01:23:00.000+05:30

அனேகமாக எதிரிக்கட்சிகள் போலவே ஆகிவிட்டன திமுகவும், பாமகாவும். தைலாபுரத்து ஐயாவும் கோபாலபுரத்து ஐயாவும் தினசரி அறிக்கைகளில் பட்டம் விட்டு விளையாடிக் கொண்‍டிருக்கிறார்கள். எந்த நேரமும் கூட்டணியில் இருந்து விலகலாம் என்று பாமக சொன்னாலும் அவர்கள் கூட்டணியிலேயே இல்லை என்பது போல உள்ளது திமுகவினர் பேசிக் கொள்வது.

யார் வந்தாலும் ஏற்றுக் கொள்வோம் என்று சொல்லும் போயஸ் தோட்டத்து அம்மா இவர்கள் வந்தால் கூட்டணியில் சேர்ப்பதில் சற்றுத் தயக்கம் காட்டுகிறாராம். ஏற்கனவே பாமகவுடன் நல்ல அனுபவங்களைப் பெற்றுள்ள அதிமுகவிற்கு தற்போது ‍ பொருத்திருந்து பார்ப்போம் என்ற நிலையே சரியானது என்று தோன்றுகிறதாம். எதிலும் அதிரடி முடிவுகளை எடுக்கும் தலைவி தைலபுர விஷயத்தில் அவ்வளவு எளிதாக முடிவெடுக்கமாட்டார் என்று அரசல் புரசலாக செய்திகள் தெரிவிக்கின்றன.

என்ன இருந்தாலும் "அரசியலில் நிரந்தர நண்பனும் இல்லை எதிரியும் இல்லை தானே"

மூணாறுக் கொலையில் தீர்ப்பு

2007-08-31T01:14:00.000+05:30

சென்னையைச் சார்ந்த வித்யா திருமணம் முடிந்தவுடன் தன் கணவன் அனந்தராமனோடு தேனிலவுக்காக மூணாறு சென்றார். அங்கே கொடூரமாக அனந்தராமன் கொலை செய்யப்பட்டார். நகைளைப் பறிப்பதற்காக தன்னையும் தன் கணவரையும் தாக்கியதாகக் கூறிய வித்யா, உண்மையில் தன் கணவனைக் கொலை செய்வதற்காக தன் காதலனை ஏற்பாடு செய்த வித்யாவின் சதித் திட்டம் பின்னர் வெளிச்சத்திற்கு வந்தது. கைது செய்யப்பட்ட வித்யா அவர் காதலனும் கொலையாளியுமான ஆனந்த் மற்றும் அவரது நண்பர் அன்பு ராஜ் ஆகியோர் சிறையில் அடைக்கப்பட்டனர். இந்த வழக்குத் தொடுபுழா விரைவு நீதிமன்றத்தில் நடந்து வந்தது. அதில் நேற்று வியாழக்கிழமை தீர்ப்பு வழங்கப்பட்டது. இதன்படி வித்யா, ஆனந்த மற்றும் அன்புராஜ் ஆகியோர் குற்றவாளிகள் என்பதை நீதிமன்றம் உறுதிப்படுத்தியது. அதோடு இவர்களுக்கான தண்டனையை நாளை சனிக்கிழமை அறிவிப்பதாக நீதிபதிக் கூறினார்.

சரத்குமாரின் அரசியல் உதயம்

2007-08-31T01:01:00.000+05:30

தமிழகத்தின் அரசியலில் ஒரு தவிர்க்கமுடியாத அங்கமாக திரைப்படத்துறை ஆகிவிட்டது என்றால் அது மறுக்கமுடியாத உண்மை. அறிஞர் அண்ணாவின் காலந்‍தொட்டு இன்றுவரை திரைப்படத் துறையிலிருந்து வருபவர்களின் எண்ணிக்கைக் கூடிக் கொண்டே‍ போகிறது. தற்காலத்தில் விஜய்காந்ந், சரத் குமார். நெப்போலியன், கார்த்திக் போன்றவர்களின் அரசியல் பிரவேசம் குறிப்பிடத்தக்கதாக உள்ளது. விஜய்காந்தை அவரது கட்சித் தொண்டர்கள் அடுத்த முதல்வர் என்றே கூறிவருகிறார்கள். இந்தத் தருணத்தில் கடந்த சட்டமன்றத் தேர்தலின் போது திமுகவிலிருந்து விலகி அதிமுகவில் சேர்ந்து பின்னர் அதையும் புறக்கணித்துவிட்டு இருந்த சரத்குமார் இன்று சொந்தமாக ஒரு கட்சியை துவக்குகிறார். கட்சியின் பெயர் சின்னம் மற்றும் கொள்கைகள் குறித்து இன்று நடக்கும் விழாவில் அறிவிக்கப்படும் என்று அவர் தெரிவித்துள்ளார்.

அநேகமாக சூரியத் தொலைக் காட்சியின் நல்லாதரவு சரத்குமாருக்குக் கிடைக்கும் என்று நம்பத் தகுந்த வட்டாரங்கள் தெரிவிக்கின்றன. அதே வேளை நெல்லை மண்ணில் நல்லொதொரு தாக்கத்தை ஏற்படுத்துவார் சரத்குமார் என்று அவரின் ஆதரவாளர்கள் மிகவும் நம்பிக்கைக் கொண்டுள்ளனர்

வெறிச்சோடிக் கிடக்கும் லும்பினி

2007-08-31T00:51:00.000+05:30

கடந்த சனிக்கிழமை மிகப் பெரிய அதிர்ச்சியை சந்தித்த ‍‍ஹைதராபாத்திலுள்ள லும்பினிப் பூங்கா இன்னும் அந்த அதிர்ச்சியில் இருந்து மீளவில்லை. 11 பேரை பலி கொண்ட அந்த சம்பவத்திற்குப் பிறகு நேற்று வியாழக்கிழமை மீண்டும் பார்வையாளர்களுக்காக திறக்கப்பட்டது.

ஐந்து நாட்களுக்குப் பிறகுத் திறக்கப்பட்டாலும், இன்னும் அதே சோக‍ அலைகளை அங்கேப் பார்க்கமுடிகிறது. சொற்ப அளவிலானப் பார்வையாளர்கள் மட்டுமே நேற்று வந்திருந்தனர். பொதுவாக களைக்கட்டிக் காணப்படும் பூங்காகள் வியாபாரப் பகுதிகள் அனைத்துமே சனிக்கிழமை நடந்த சம்பவத்திற்குப் பிறகு அதன் களையை இழந்துவிட்டன என்றேக் கூறலாம்.

கேரள அமைச்சர் ராஜினாமா

2007-08-31T00:44:00.000+05:30

தொழிலதிபரை ஏமாற்றியதாக எழுந்த குற்றச்சாட்டின் அடிப்படையில் கேரளப் ‍ பொதுப்பணி அமைச்சர் டி.யு. குருவில்லா தனது பதவியை ராஜினாமா செய்துள்ளார்.

பரிந்துரை
முன்னதாக நடந்த இடது சாரி ஜனநாயக முன்னணியின் கூட்டத்தில் இந்த விவகாரம் குறித்து சட்டப்பூர்வ விசாரணை நடத்தப் பரிந்துரைக்கப்பட்டது. இதன் படி சட்டப்பூர்வமான விசாரணை நடத்தும் போது தான் அமைச்சராக இருப்பதை விரும்பவில்லை என்றும் உடனே பதவியை ராஜினாமா செய்வதாகவும் அறிவித்துள்ளார். இதை கூட்டணிக் கட்சிகளும் வரவேற்று உள்ளன.

இந்திய - அ‍மெரிக்க அணுசக்தி ஒப்பந்தம் நிறுத்தம் இல்லை

2007-08-31T00:35:00.000+05:30

இந்தியாவின் பாராளுமன்றத்தை சமீபகாலமாகப் புயலைக் கிளப்பி வரும் பிரச்சனை சற்று தளர்ந்திருப்பதாக அரசியல் நோக்கர்கள் கருதிகிறார்கள். இதற்குக் காரணம் இடது சாரிகள் தங்கள் பிடி‍யைத் தளர்த்திக் கொண்‍டிருப்பதுதான் என்று தெரியவருகிறது.

நிறுத்தமில்லை
இதனிடையே இந்த ஒப்பந்தத்தை தற்காலிகமாக நிறுத்தி வைக்கலாம் என்று ஒரு யோசனைத் தெரிவிக்கப்பட்டது. இதன் மூலம் இடதுசாரிக் கட்சிகள் கூறும் பிரச்சினைகள் குறித்து ஆராய்ந்து ஒரு முடிவெடுக்கலாம் என்று கூறப்பட்டது. ஆனால் அந்த கோரிக்கை நிராகரிக்கப்பட்டுவிட்டது. அதோடு இந்த ஒப்பந்தத்தை நிறுத்தப் போவதில்லை என்று இந்திய அரசு திட்டவட்டமாக அறிவித்துள்ளது.

இருப்பினும் இடது சாரிகள் கூறிய குற்றச்சாட்டுக்களை ஆராய்வதற்கான ஒரு குழு அமைப்பதிலும் அரசு முனைப்பாக உள்ளது. இதில் இடதுசாரிகள் இடம் பெறுவது குறித்து முடிவு இன்னும் எட்டப்படவில்லை.

மறியிலில் கலந்துகொள்ளாத மா. கம்யூ.

2007-08-26T03:14:00.000+05:30

சேலம் உட்கோட்டம் தொடர்பாக ப‍ெரும் சர்ச்சை நடந்துவரும் நேரத்தில் சேலம் உட்கோட்டம் அமைக்கக் கோரி நடந்த ரயில் மறியலில் மா. கம்யூ. கலந்து கொள்ளவில்லை. அவர்கள் ஆளும் மாநிலமான கேரளாவுக்கு எதிரானது என்ற காரணத்தினா‍லேயே கலந்து கொள்ளவில்லை என்றுக் கூறப்படுகிறது.

வழக்கம் போல் அதிமுக தனித்து செயல்படும் நோக்கோடு இந்தப் போராட்டத்தில் கலந்து கொள்ளலாமல் புறக்கணித்துவிட்டதாகக் கூறப்படுகிறது.

இதனிடையே சேலம் கோட்டம் அமைக்கப்படுவது உறுதி என்று இரயில்வே அமைச்சர் திரு. லாலு பிரசாத் யாதவ் தெரிவித்துள்ளதால், இந்த ரயில் மறியல் போரட்டம் கைவிடப்பட்டதாகப் பின்னர் திமுகவால் அறிவிக்கப்பட்டது.

‍ஐதராபாத்தில் குண்டு வெடிப்பு

2007-08-26T02:46:00.000+05:30

நேற்று இரவு சுமார் 7.45 மணியளவில் ஐதராபாத் லும்பினி பூங்காவில் சக்தி வாய்ந்த குண்டு வ‍ெடித்தது. லேசர் காட்சி நடந்து கொண்டிருந்த வ‍ேளையில் நடந்த இந்த சம்பவத்தில் சுமார் 37 பேர் இறந்திருக்கக்கூடும் என்று அஞ்சப்படுகிறது. இதில் பலர் காயம் அடைந்துள்ளதாகவும் தெரியவருகிறது. அதே வேளை கோகுல் சாட் பண்டார், கோத்தி பகுதியில் நடந்த மற்றுமொரு வெடிச் சம்பவத்தில் 24 பேர் மரணம் அடைந்துள்ளனர், மேலும் பலருக்கு காயம் ஏற்பட்டுள்ளது.

மேலும் குண்டுகள்
வேங்டகிரி திரையரங்கம் மற்றும் முசரம்பாக் பகுதியில் இரண்டு குண்டுகள் கண்டெடுக்கப்பட்டு செயலிழக்கச் செய்யப்பட்டன. அவை ஒரு பைக்குள் வைத்து வெடிக்க அமைக்கப்பட்ட "டைம் பாம்" களாகும். நிகழ்த்தப்பட்ட குண்டுவெடிப்புகள் மொபைல் போன் மூலம் நிகழ்த்தப்பட்டிருக்கலாம் என சந்தேகிக்கப்படுகிறது. இதற்கு முன்னர் மெக்கா மசூதியில் நடந்த குண்டு வ‍ெடிப்பு சம்பவமும் இதே பாணியில் நிகழ்த்தப்பட்டது என்பது குறிப்பிடத்தக்கது.

வங்களதேசத்தவருக்குத் தொடர்பு
இந்த சம்பவங்களில் வங்காள தேசத்தைச் சார்ந்த அர்கத்துல்-ஜிகாதி இஸ்லாமி அமைப்புக்குத் தொடர்பு இருப்பதாக சந்தேகிக்கப்படுகிறது. இ

லும்பினி பூங்காவில் வார இறுதியில் கூட்டம் அதிகமாக வரும் என்று தெரிந்தே இந்த வெடிகுண்டு வைக்கப்பட்டிருப்பதாக காவல் துறை அதிகாரி ஒருவர் தெரிவித்தார். இதைத் தொடர்ந்து ஐதராபாத் முழுவதும சோதனைகள் மேற்கொள்ளப்பட்டு வருகின்றன. ஐதராபாத் முழுவதும் பெரும் பதற்றம் நிலவி வருகிறது. ஆந்திர முதல்வர் மாநிலத்தின் அவசர நிலை இது மற்றும் தீவிரவாதிகளின் கொடுஞ் செயல் இது எனத் தெரிவித்துள்ளார்.

தலைவர்கள் கண்டனம்
இந்த செயலுக்கு குடியரசுத் தலைவர், பிரதம் உட்பட அனைத்துத் தலைவர்களும் கடும் கண்டனம் தெரிவித்துள்ளனர்.